গোৱালপাৰা,8 মাৰ্চ : নাৰীক সন্মান জনোৱাৰ উদ্দেশ্যে সমগ্ৰ বিশ্বৰ লগতে ভাৰততো আয়োজন আন্তৰ্জাতিক নাৰী দিৱসৰ । নাৰীসকলৰ সন্মান, সম অধিকাৰৰ দিন হিচাপে পালন কৰা এই দিনটোত বিভিন্ন ঠাইত আয়োজন কৰা হৈছে বিভিন্ন কাৰ্যসূচীৰ । গোৱালপাৰা জিলাতো নাৰী দিৱসৰ লগত সংগতি ৰাখি আয়োজন কৰা হৈছে বিভিন্ন কাৰ্যসূচীৰ ।
womens-day
গোৱালপাৰা জিলা প্ৰশাসনৰ উদ্যোগত আয়োজন কৰা সমদলৰ শুভ উদ্বোধন কৰে জিলাখনৰ উপায়ুক্ত বৰ্ণালী ডেকাই । সমদল কাৰ্যসূচীত জিলাখনৰ বিভিন্ন বিভাগৰ মহিলা সকলে অংশ গ্ৰহণ কৰে ।সমদলত মহিলা সকলে নাৰী সুৰক্ষা আৰু নাৰী নিৰ্যাতন বন্ধ কৰাৰ দাবী তোলাৰ লগতে নাৰীৰ পুষ্টি বিষয়ক বিভিন্ন শ্লোগান দিয়ে । আনহাতে নাৰী দিৱসৰ লগতে সংগতি ৰাখি নাৰীৰ পুষ্টি পষেক অভিযান নামেৰে নাৰীৰ পুষ্টিৰ বিষয়ে সমাজত সজাগতা সৃষ্টিৰ এক কাৰ্যসূচী হাতত লৈছে জিলা প্ৰশাসনে।
