বৰপেটা,৮ এপ্ৰিলঃ বৈধ ভাৰতীয় নাগৰিকক বিদেশী বুলি সন্দেহ কৰি গোৱালপাৰাৰ ডিটেনচন কেম্পত আৱদ্ধ কৰি ৰখা অমৃত দাসৰ মৃত্যু হোৱা ঘটনাত গভীৰ শোক প্ৰকাশ কৰে বৰপেটাৰ কংগ্ৰেছ প্ৰাৰ্থী আব্দুল খালেকে ৷ জনিয়াৰ বিধায়ক তথা বৰপেটাৰ কংগ্ৰেছ প্ৰাৰ্থী আব্দুল খালেকে প্ৰয়াত অমৃত দাসৰ দাসৰ ঘৰত উপস্থিত হৈ শোক সন্তপ্ত পৰিয়ালক জ্ঞাপন কৰে গভীৰ সমবেদনা ।
বৰপেটাৰোডৰ ১০ নম্বৰ ৱাৰ্ডৰ বাসিন্দা অমৃত দাস নামৰ লোকজনক বিদেশী ন্যায়াধীকৰণে বিদেশী ঘোষিত কৰাৰ পাছত ২০১৭ চনৰ ২০ মেৰ পৰা আবদ্ধ হৈ আছিল গোৱালপাৰাৰ ডিটেনচন কেম্পত৷ অমৃত দাস নামৰ লোকজনে ডিটেনচন কেম্পত শনিবাৰে হৃদ ৰোগত আক্ৰান্ত হৈ মৃত্যুবৰণ কৰে গোৱালপাৰা অসামৰিক চিকিৎসালয়ত ।ইফালে অমৃত দাসৰ পোষ্টমৰ্টেম পৰিয়ালৰ অজ্ঞাতে কৰাটো সন্দেহ জনক বুলি মন্তব্য কৰাৰ লগতে ডিটেনচন কেম্পত থকা সময় ছোৱাত অমৃত দাসৰ প্ৰতি মানৱীয় দৃষ্টি ভঙ্গীৰে দৃষ্টি নিদিয়াৰ অভিযোগ তোলে বিধায়ক তথা বৰপেটাৰ কংগ্ৰেছ প্ৰাৰ্থী আব্দুল খালেকে৷
