গোৱালপাৰাত চোৰাং চাউলৰ ট্ৰাক জব্দ

পশ্চিমাঞ্চলৰ একাংশ সমবায় সমিতিয়ে হিতাধিকাৰীৰ পৰা চাউল কাঢ়ি বৃহৎ সংখ্যক চাউল আত্মসাৎ কৰাৰ অভিযোগ উত্থাপিত হৈ থকাৰ সময়তে আৰক্ষীয়ে জব্দ কৰে এখন চোৰাং চাউলৰ ট্ৰাক।

গোৱালপাৰা,12 জুন : বৃহস্পতিবাৰে নিশা গোৱালপাৰাৰ বগুৱান থানাৰ অৰ্ন্তগত কালজানি বজাৰত আৰক্ষীয়ে জব্দ কৰে এখন চোৰাং চাউলৰ ট্ৰাক ৷ জিলাখনৰ পশ্চিমাঞ্চলৰ একাংশ সমবায় সমিতিয়ে হিতাধিকাৰীৰ পৰা চাউল কাঢ়ি বৃহৎ সংখ্যক চাউল আত্মস্যাৎ কৰাৰ অভিযোগ উত্থাপিত হৈ থকাৰ সময়তে আৰক্ষীয়ে জব্দ কৰে এখন চোৰাং চাউলৰ ট্ৰাক। জব্দকৃত চোৰাং চাউল ভৰ্তি ট্ৰাকখনৰ নম্বৰ AS-01KC-5842 বুলি জানিব পৰা গৈছে । উক্ত ট্ৰাকখনৰ পৰা 226 বেগ চাউল জব্দ কৰাৰ লগতে ঘটনা সন্দৰ্ভত এটি গোচৰ ৰুজু কৰি তদন্ত অব্যাহত ৰাখিছে বুলি জানিবলৈ দিয়ে বগুৱান থানাৰ সহকাৰী উপ-পৰিদৰ্শক পিনাক পানি নাথে ৷

লগতে পঢ়কঃ ডিব্ৰুগড়ত দুধৰ্ষ আলফা সদস্য আটক