ডিমা হাছাও,10 জুন: ডিমা হাছাও জিলাৰ 54 নং ৰাষ্ট্ৰীয় ঘাইপথত হোৱা ধাৰাষাৰ বৰষুণৰ বাবে ভয়ংকৰ ভূমিস্খলন সংঘটিত হয় ৷ মাইবং আৰু জাতিংগাৰ সমীপত হোৱা ভূমিস্খলনৰ বাবে সম্পূৰ্ণৰূপে ব্যাহত হৈ পৰে যাতায়াত ব্যৱস্থা ৷
বৰ্তমানে ৰাষ্ট্ৰীয় ঘাইপথ প্ৰাধিকৰণ কৰ্তৃপক্ষই সৰু-বাহনৰ বাবে ঘাইপথটো খুলি দিয়ে যদিও এই পথচোৱাত এতিয়াও গধুৰ বাহন চলাচল কৰিব পৰা নাই ৷ জৰুৰীকালীন সেৱাৰ ক্ষেত্ৰটো বৃহৎ প্ৰতিবন্ধকতা আহি পৰিছে বুলি জানিবলৈ দিছে স্থানীয় লোকে ৷
স্থানীয় লোকে সদৰী কৰা মতে, পথটো বন্ধ হৈ পৰাৰ বাবে গৰ্ভৱতী মহিলা আৰু এগৰাকী জটিল ক'ভিড ৰোগীক লৈ অহা হাফলং অসামৰিক চিকিৎসালয় অভিমুখী দুখনকৈ এম্বুলেঞ্চে প্ৰায় 2-3 ঘণ্টা পৰ্যন্ত পথটোত আৱদ্ধ হৈ থাকিবলগীয়া হয় ৷ এইদৰে আৱদ্ধ হৈ ৰোৱা গৰ্ভৱতী মহিলাগৰাকীৰ অৱস্থা যথেষ্ট বেয়ালৈ গতি কৰিছিল বুলি জানিব পৰা গৈছে ৷
লগতে পঢ়ক: QS World University Ranking 2021 ৰ 41 তম স্থানত IIT guwahati
