ডিমা হাছাও, ৩ মে': সমগ্ৰ দেশৰ লগতে ৰাজ্যত প্ৰতিদিনে বৃদ্ধি পাই আহিছে কৰ'ণাত আক্রান্ত ৰোগীৰ সংখ্যা । সমান্তৰালকৈ ডিমা হাছাও জিলাতো কৰ'ণাত আক্রান্ত ৰোগীৰ সংখ্যা ভয়ংকৰ হাৰত বৃদ্ধি পাবলৈ ধৰিছে । দেওবাৰৰ দিনটোত ডিমা হাছাওত নতুনকৈ ১৮ গৰাকী লোকৰ দেহত কৰ'ণাৰ অৱস্থিতি ধৰা পৰে ।
ইয়াৰ ফলত জিলাখনত বৰ্তমানলৈ কৰ'ণাত আক্ৰান্ত ৰোগীৰ সংখ্যা ১৭২ গৰাকীলৈ বৃদ্ধি হৈছে বুলি স্বাস্থ্য বিভাগে জানিবলৈ দিয়ে । উল্লেখযোগ্য যে, ডিমা হাছাও জিলাত কৰ'ণাত আক্ৰান্ত ১৭২ গৰাকী ৰোগীৰ ভিতৰত ইতিমধ্যে ২৪ গৰাকী ৰোগী সুস্থ হৈ উঠিছে । বৰ্তমান ৪১ গৰাকী ৰোগী হাফলং অসামৰিক চিকিৎসালয়ত চিকিৎসাধীন হৈ থকাৰ লগতে ১০৭ গৰাকী ৰোগীক হোম আইচলেচনত ৰখা হৈছে ।
লগতে পঢ়ক: শিলচৰত জয়লাভ বিজেপি প্ৰাৰ্থী দ্বীপায়ন চক্রৱর্তীৰ
