ডিমা হাছাও,২৪মে' : সপ্তদশ লোকসভা নিৰ্বাচনত বিজেপিয়ে বৃহৎ সাফল্য কৰাৰ পাছতেই ৰাজ্যত আনন্দময় পৰিৱেশৰ সৃষ্টি হয় । শুকুৰবাৰে ডিমা হাছাও জিলা সভাপতি নিপোলাল হোজায়ে বাজপেয়ী ভৱনত এখন সংবাদমেল সম্বোধন কৰে । সংবাদমেলত বিজেপিৰ প্ৰতিগৰাকী নেতা আৰু কৰ্মীৰ কঠোৰ পৰিশ্ৰমৰ বাবে হাফলং বিধানসভা সমষ্টিত বিজেপিয়ে ভাল ফলাফল লাভ কৰিবলৈ সক্ষম হৈছে বুলি উল্লেখ কৰে সভাপতিগৰাকীয়ে । হাফলং বিধানসভা সমষ্টিত বিজেপি প্ৰাৰ্থীক বিপুল ভোটত জয়ী কৰাৰ কাৰণে সভাপতিগৰাকীয়ে ভোটাৰ ৰাইজক ধন্যবাদ জনোৱাৰ লগতে সমগ্ৰ দেশত বিজেপিয়ে এক অভাৱনীয় ফলাফল লাভ কৰিবলৈ সক্ষম হৈছে বুলি মন্তব্য কৰে । ইয়াৰ লগতে প্ৰধানমন্ত্ৰী নৰেন্দ্ৰ মোদী,অমিত শ্বাহ,অসমৰ মুখ্যমন্ত্ৰী সৰ্বানন্দ সোণোৱাল আৰু বিজেপিৰ ৰাজ্যিক সভাপতি ৰঞ্জিত দাসক শুভেচ্ছা জ্ঞাপন কৰে নিপোলাল হোজাই ।
আনহাতে, ৩৫ বছৰে কংগ্ৰেছে আধিপত্য চলায় যোৱা ডিফু লোকসভা সমষ্টিত বিজেপিয়ে সফলতা লাভ কৰাত সমষ্টিবাসী আনন্দিত বুলি মন্তব্য কৰে ।
