মৰাণ,6 জানুৱাৰী: ডিব্ৰুগড়ৰ খোৱাঙত বাঘৰ আতংকই সৰ্ব সাধাৰণ ৰাইজৰ নিদ্ৰাহৰণ কৰাৰ সময়তে বুধবাৰে উদ্ধাৰ হৈছে দুটাকৈ বাঘৰ পোৱালী । কটকী পুখুৰীৰ কেইজনমান যুৱকে নদী কাষৰীয়া ঠাইত বাঘৰ পোৱালী দুটা প্ৰত্যক্ষ কৰাৰ পাচতে উদ্ধাৰ কৰে ৷ পোৱালী দুটা উদ্ধাৰ কৰি খোৱাং বন বিভাগক খবৰ দিয়ে ৷ কিন্তু বাতৰি সংগ্ৰহ কৰা সময়লৈ বন বিভাগৰ লোক ঘটনাস্থলীত উপস্থিত হোৱা নাই ৷
উল্লেখ্য যে, খোৱাং আঞ্চলিক বন বিষয়া কাৰ্যালয়ৰ অধীনত থকা বৃহত্তৰ খোৱাং অঞ্চলটোত বহু বছৰৰ পৰাই বাঘে কৃষক ৰাইজৰ গৰু-ছাগলী খাই আতংক সৃষ্টি কৰি আহিছে ৷ বিভিন্ন সময়ত বাঘ ধৰিবলৈ পিঞ্জৰা পাতিছে যদিও আজি পৰ্যন্ত বাঘ ধৰিবলৈ সক্ষম হোৱা নাই বন বিভাগে ৷ ফলত গাঁৱৰ ৰাইজে বাঘৰ ভয়ত গধূলিতে ঘৰত সোমাব লগীয়া পৰিবেশৰ সৃষ্টি হৈছে খোৱাঙত ৷
লগতে পঢ়ক: বিলাসীপাৰাত চিকিৎসাৰ অভাৱত কিশোৰীৰ আত্মহত্যা
