টেঙাখাতত একে নিশাই দুঘৰত বাইক চুৰি

টেঙাখাতত চুৰৰ সন্ত্ৰাস ৷ একেখন গাঁৱতে বুধবাৰে নিশা দুঘৰত বাইক চুৰি কৰা কাৰ্যই অঞ্চলটোত চাঞ্চল্যৰ সৃষ্টি কৰিছে ৷ ঘটনা সন্দৰ্ভত বাইকৰ গৰাকীয়ে টেঙাখাত আৰক্ষী থানাত এজাহাৰ দাখিল কৰিছে ৷

মৰাণ,10 জুন : ক’ভিড সৃষ্ট পৰিস্থিতিৰ পৰিপ্ৰেক্ষিতত বলৱৎ হৈ থকা সান্ধ্য আইনৰ সু্যোগ লৈ বিগত কিছুদিন ধৰি টেঙাখাট থানা(Tengakhat Police Station)ৰ অন্তৰ্গত কেইবাখনো গাঁৱত চোৰে উপদ্ৰৱ চলাই আহিছে ৷ এনে সময়তে বুধবাৰে নিশা টেঙাখাতৰ গন্ধিয়া গাঁৱৰ দুঘৰৰ পৰা মটৰ চাইকেল চুৰি হোৱা ঘটনাই ৰাইজৰ মাজত চাঞ্চল্যৰ সৃষ্টি কৰিছে ৷

জানিব পৰা অনুসৰি, বুধবাৰে নিশা বাগ্ৰদিয়া চাহ ফেক্টৰী(Bagradia Tea Factory)ৰ কাষতে থকা ৰাজু বৰুৱাৰ ঘৰৰ গেটৰ তলা ভাঙি দুখন বাইক চোৰে চুৰ কৰি নিয়ে ৷ কিন্তু কে টি এম বাইকখন পথতে পেলাই থৈ গ্লেমাৰ বাইকখন লৈ যায় চোৰে ৷

টেঙাখাতত একে নিশাই দুঘৰত বাইক চুৰি

আনহাতে একে গাঁৱৰে ৰত্নেশ্বৰ গগৈৰ ঘৰলৈ খোৱাঙৰ পৰা অহা জোঁৱায়েক ৰণী দত্তৰ AS 06 V 1364 নম্বৰৰ পালচাৰ বাইকখনো চোৰে চুৰি কৰে ৷ এই সন্দৰ্ভত বাইকৰ গৰাকীয়ে ইতিমধ্যে টেঙাখাত থানাত এজাহাৰ দাখিল কৰিছে ৷ লগতে ঘটনা সন্দৰ্ভত আৰক্ষীয়ে তদন্ত আৰম্ভ কৰিছে বুলি জানিবলৈ দিছে ৷

লগতে পঢ়ক : কাকপথাৰত ভয়ংকৰ দুৰ্ঘটনা