নাহৰকটীয়াত টাই আহোম যুৱ পৰিষদৰ জোৰ সমদল

নাহৰকটীয়াত মংগলবাৰে সন্ধিয়া টাই আহোম যুৱ পৰিষদে সাব্যস্ত কৰে উত্তাল প্ৰতিবাদ ৷ অসমৰ তেল উদ্যোগ আৰু ৰেল পৰিবহণসমূহ ব্যক্তিগতকৰণৰ বিৰোধিতা কৰাৰ লগতে কেন্দ্ৰীয় চৰকাৰৰ অধীনস্থ প্ৰতিষ্ঠানসমূহত ১০০% থলুৱা নিযুক্তিৰ দাবী উত্থাপন সংগঠনটোৰ ৷

নাহৰকটীয়া,22 অক্টোবৰঃ নাহৰকটীয়াত মংগলবাৰে সন্ধিয়া টাই আহোম যুৱ পৰিষদে উত্তাল প্ৰতিবাদ সাব্যস্ত কৰে ৷ অসমৰ তেল উদ্যোগ আৰু ৰেল পৰিবহণসমূহ ব্যক্তিগতকৰণৰ বিৰোধিতা কৰাৰ লগতে কেন্দ্ৰীয় চৰকাৰৰ অধীনস্থ প্ৰতিষ্ঠান সমূহত ১০০% থলুৱা নিযুক্তি আৰু নাহৰকটীয়া মহকুমা শীঘ্ৰে কাৰ্যক্ষম কৰাৰ দাবীত সংগঠনটোৱে নাহৰকটীয়াত বাহিৰ কৰে এক জোৰ সমদল । নাহৰকটীয়াৰ হনুমান মন্দিৰৰ সমীপৰ পৰা বাহিৰ কৰা এই সমদলত কেইবা শতাধিক প্ৰতিবাদকাৰীয়ে হাতে হাতে জোৰ লৈ সমগ্ৰ নাহৰকটীয়া পৰিভ্ৰমণ কৰি চৰকাৰ বিৰোধী শ্লোগানেৰে সমগ্ৰ নাহৰকটীয়াৰ আকাশ বতাহ কঁপাই তোলে । শীঘ্ৰে সংগঠনটোৰ দাবীসমূহ পূৰণ নকৰিলে চৰকাৰৰ বিৰুদ্ধে জংগী আন্দোলন গঢ়ি তোলাৰো হুংকাৰ দিয়ে সংগঠনটোৱে ।

আৰু পঢ়ক