টিংখাং,4 জানুৱাৰী: কাঠফুলাৰ খেতি কৰি স্বাৱলম্বিতাৰ নিদৰ্শন দাঙি ধৰিছে ডিব্ৰুগড় জিলাৰ টিংখাঙৰ মল্লিকা গগৈ মেচে । টিংখাং ধমন শালমাৰিৰ মল্লিকা গগৈ মেচে অতি কম মূল ধন বিনিয়োগ কৰি বিগত দুই বছৰে আৰ্থিকভাৱে বহুখিনি উপকৃত হোৱা বুলি জানিবলৈ দিয়ে। নিজ ঘৰতে কাঠফুলা উৎপাদন কৰাৰ লগতে বজাৰত বিক্ৰী কৰি বছৰি লাখ টকা উপাৰ্জন কৰা মল্লিকা হৈ পৰিছে অন্য মহিলাৰ বাবে আদৰ্শস্বৰূপ। উল্লেখ্য যে কাঠফুলা ব্যৱসায়ৰ ক্ষেত্ৰত মল্লিকাই নিজৰ লগতে গাঁৱৰে কেবাগৰাকী মহিলাকো প্ৰশিক্ষণ দিয়াৰ লগতে কৰ্ম সংস্থাপনো দিছে । চৰকাৰী সাহাৰ্য অবিহনে গ্ৰাম্য অৰ্থনীতিত প্ৰচুৰ সম্ভাৱনাৰ সূচনা কৰিছে টিংখাঙৰ মল্লিকা গগৈ মেচে ।
কাঠফুলাৰ খেতিৰে স্বাৱলম্বীতাৰ নিদৰ্শন
