মৰাণ, 17 জানুৱাৰী : সম্পূৰ্ণ ক’ভিড বিধি মানি সোণাৰিৰ বেঙেনাবাৰীত দেওবাৰৰ পৰা আৰম্ভ হ’ল চৰাইদেউ জিলা নিখিল বড়ো ছাত্ৰ সন্থাৰ ৰূপালী জয়ন্তী অনুষ্ঠান(Silver jubilee of All Bodo Students Union) । দুদিনীয়া বৰ্ণাঢ্য কাৰ্যসূচীৰে উদযাপন কৰা হয় ১৯৯৬ চনতে গঠন হোৱা চৰাইদেউ জিলা নিখিল বড়ো ছাত্ৰ সন্থাৰ সপ্তম দ্বিবাৰ্ষিক অধিৱেশন আৰু ৰূপালী জয়ন্তী অনুষ্ঠান ।
উক্ত অনুষ্ঠানৰ লগত সংগতি ৰাখি অন্যান্য কাৰ্যসূচীৰ লগতে দেওবাৰে এখন মননশীল আলোচনা চক্ৰ সম্পন্ন কৰা হয় । বৰ্তমান প্ৰতিযোগিতামূলক শিক্ষা ব্যৱস্থাত ছাত্ৰ-ছাত্ৰীৰ প্ৰত্যাহ্বান আৰু অভিভাৱকৰ ভূমিকা বিষয়ত অনুষ্ঠিত আলোচনা চক্ৰখনত জাজী হেমনাথ শৰ্মা মহাবিদ্যালয়ৰ অধ্যক্ষ ড৹ মনজিৎ গগৈৰ লগতে বহু কেইগৰাকী বক্তাই তত্বগধুৰ ভাষণ প্ৰদান কৰে ।
দেওবাৰে সোণাৰি মহাবিদ্যালয়ৰ অধ্যাপক ড৹ সুনীল দত্তই সঞ্চালনা কৰা আলোচনা চক্ৰখন উদ্বোধন কৰে অ’এনজিচি অসম সম্পদৰ ড৹ জয়ন্ত কুমাৰ বসুমতাৰীয়ে ।
উল্লেখ্য যে অনুষ্ঠানৰ অন্তিম দিনা অৰ্থাৎ সোমবাৰে উপস্থিত থাকিব বিটিআৰৰ মুখ্য কাৰ্যবাহী প্ৰমোদ বড়োৰ (BTC Chief Pramod Boro at Sonari) লগতে ABSUৰ কেন্দ্ৰীয় নেতৃবৰ্গৰ লগতে বিটিআৰৰ কেইবাগৰাকীও নেতাকৰ্মী । ইয়াৰ পৰিপ্ৰেক্ষিতত ক’ভিড নীতি নিয়ম অনুসৰি অনুষ্ঠানসমূহ অনুষ্ঠিত কৰা হ'ব বুলি জানিবলৈ দিয়ে উদযাপন সমিতিয়ে ।
লগতে পঢ়ক : BTC Council anniversary : বিটিআৰ সচিবালয় প্ৰাংগণত উদযাপন বিটিচি পৰিষদৰ বৰ্ষপূৰ্তি
