ডিব্ৰুগড়, 12 জুলাই : " সত্ৰীয়া সংস্কৃতিয়ে বৰ্তমান সময়ত যেনেকৈ প্ৰচুৰ প্ৰচাৰ আৰু প্ৰসাৰতা লাভ কৰিবলৈ সক্ষম হৈছে একে সময়তে কিন্তু সত্ৰীয়া সঙ্গীত নৃত্যত আধুনিকতাৰ দোষে স্পৰ্শ কৰা পৰিলক্ষিত হৈছে " এই মন্তব্য পদ্মশ্ৰী তথা নৃত্যাচাৰ্য যতীন গোস্বামীৰ। মঙলবাৰে ডিব্ৰুগড় জিলাৰ টিংখাঙৰ এক বিশেষ কাৰ্যসূচীত অংশগ্ৰহণ কৰি এইদৰে মন্তব্য আগবঢ়ায় বিশিষ্ট সত্ৰীয়া সাধকগৰাকীয়ে । তেওঁ লগতে সত্ৰীয়া সংস্কৃতিৰ প্ৰচাৰ আৰু প্ৰসাৰৰ ক্ষেত্ৰত অসম চৰকাৰৰ বহুখিনি কৰণীয় আছে বুলি উল্লেখ কৰি এইক্ষেত্ৰত উদ্যোগ গ্ৰহণ কৰিবৰ বাবে সাংস্কৃতিক মন্ত্ৰী বিমল বৰাৰ প্ৰতি আহ্বান জনায় ।
উল্লেখযোগ্য যে, মংগলবাৰৰে পৰা টিংখাঙৰ ৰাজগড় জুনিয়ৰ কলেজ প্ৰাঙ্গণত তিনিদিনীয়া কাৰ্যসূচীৰে আৰম্ভ হৈছে সত্ৰীয়া সঙ্গীত শিক্ষক সমাজৰ " নৱম বাৰ্ষিক চিন্তন বৈঠক আৰু প্ৰশিক্ষণ শিবিৰ " কাৰ্যসূচীৰ । সত্ৰীয়া সঙ্গীত শিক্ষক সমাজ অসমৰ উদ্যোগত, উৰ্বশীময় কলা মড়ল , টিংখাং সাংস্কৃতিক মঞ্চ, সাংস্কৃতিক মহাসভা অসম, ৰাজগড় আঞ্চলিক সমিতি তথা টিংখাং ৰাজগড়বাসী ৰাইজৰ সহযোগত অনুষ্ঠিত কৰা হৈছে এই তিনিদিনীয়া চিন্তন বৈঠক অনুষ্ঠানৰ ।
তিনিদিনীয়া চিন্তন বৈঠক অনুষ্ঠানৰ উদ্ধোধনী অনুষ্ঠানত সত্ৰীয়া নৃত্য প্ৰচাৰ আৰু প্ৰসাৰৰ ক্ষেত্ৰত অগ্ৰণী ভূমিকা গ্ৰহণ কৰি অহা সত্ৰীয়া নৃত্যশিল্পী তথা সত্ৰীয়া সঙ্গীত শিক্ষক সমাজৰ সভাপতি পদ্মশ্ৰী যতীন গোস্বামী, সম্পাদক ড০ খগেন শৰ্মা, শংকৰী সঙ্গীত বিদ্যাপীঠ অসমৰ সচিব মৃদুল কুমাৰ বৰাকে ধৰি সত্ৰীয়া সঙ্গীত শিক্ষক সমাজৰ বিষয়ববীয়াসকল , সত্ৰীয়া প্ৰশিক্ষকসকল আৰু সত্ৰীয়া সংস্কৃতিৰ বহু সংখ্যক অনুৰাগী উপস্থিত থাকে ।
লগতে পঢ়ক : MP Brij Bhushan Singh news : প্ৰশ্ন সোধাৰ বাবেই সাংবাদিকৰ বুম ভাঙিলে বিতৰ্কিত বিজেপি সাংসদ ব্রিজ ভূষণে
