মৰাণ,14 ফেব্ৰুৱাৰী: সাপেখাতীৰ অন্যতম শিক্ষা প্ৰতিষ্ঠান শংকৰদেৱ শিশু নিকেতনৰ ঊনবিংশতম প্ৰতিষ্ঠা দিৱস শনিবাৰে দিনজোৰাকৈ উদযাপন কৰা হয় ৷ 2003 চনৰ 13 ফেব্ৰুৱাৰীত সাপেখাতীৰ কেইগৰাকীমান ব্যক্তিৰ প্ৰচেষ্টাত জন্ম লাভ কৰা শংকৰদেৱ শিশু নিকেতনৰ প্ৰতিষ্ঠা দিৱস উপলক্ষে অন্যান্য কাৰ্যসূচীৰ লগতে ছাত্ৰ-ছাত্ৰীসকলে এখনি সজাগতামূলক নাট প্ৰদৰ্শন কৰে ৷
প্ৰতিষ্ঠা দিৱসৰ কাৰ্যসূচী অনুসৰি বিদ্যালয়ৰ আচাৰ্য বিদুৎ হাজৰিকাই পুৱা পতাকা উত্তোলন কৰাৰ পাছতে যোগাসন, প্ৰাণায়াম ইত্যাদিৰে কাৰ্যসূচী আৰম্ভ হয় ৷ আচাৰ্য বিদুৎ হাজৰিকাৰ সভাপতিত্বত অনুষ্ঠিত সভাত সত্যৰঞ্জন বৰুৱা, বাণী চাংমাই আৰু প্ৰদীপ বৰাই বক্তব্য প্ৰদান কৰি বিদ্যলয়ৰ গৌৰৱময় ইতিহাসৰ আভাস দাঙি ধৰে ৷ শনিবাৰে অনুষ্ঠিত প্ৰতিষ্ঠা দিৱসৰ অনুষ্ঠানত ছাত্ৰ-ছাত্ৰীসকলৰ লগতে অভিভাৱকসকলো উপস্থিত থাকে ৷
লগতে পঢ়ক: টিংখাঙত নতুন বিদ্যালয় গৃহ মুকলি
