মৰাণ, 11 মে’ : ড৹ হিমন্ত বিশ্ব শৰ্মা নেতৃত্বাধীন অসম চৰকাৰে সম্পূৰ্ণ কৰিলে এবছৰ(Assam Government led by Himanta Biswa Sarma completes one year) ৷ ৰাজ্য চৰকাৰে ইয়াৰ লগত সংগতি ৰাখি মহানগৰীত অনুষ্ঠিত কৰা বৰ্ষপূৰ্তিৰ অনুষ্ঠান সন্দৰ্ভত বিভিন্নজনে প্ৰকাশ কৰিছে প্ৰতিক্ৰিয়া ৷ বিশেষকৈ ৰাজ্য চৰকাৰে বিগত এবছৰে কৰা কাম-কাজৰ সন্দৰ্ভত বাৰুকৈয়ে চৰ্চিত হৈছে বিভিন্ন মহলত ৷
শাসনৰ বাঘজৰী গ্ৰহণ কৰাৰ পিছতে স্বয়ং মুখ্যমন্ত্ৰী হিমন্ত বিশ্ব শৰ্মাই প্ৰতিশ্ৰুতি দিছিল যে ৰাজ্য চৰকাৰৰ এবছৰীয়া কাৰ্যকালৰ ভিতৰত প্ৰায় এক লাখ নিবনুৱাক নিযুক্তি প্ৰদান কৰিব ৷ ইয়াৰ লগতে আন কেইবাটাও প্ৰতিশ্ৰুতি মুখ্যমন্ত্ৰীগৰাকীয়ে যুৱচামৰ বাবে ঘোষণা কৰিছিল ৷ যাৰ পৰিপ্ৰেক্ষিতত ডিব্ৰুগড় বিশ্ববিদ্যালয়ৰ ছাত্ৰ সমাজে মুখ্যমন্ত্ৰী ড৹ শৰ্মা চৰকাৰৰ এবছৰীয়া বৰ্ষপূৰ্তিৰ ক্ষণত প্ৰকাশ কৰিছে নিজৰ প্ৰতিক্ৰিয়া(Reaction of Dibrugarh university's students in One year completion of Assam government) ৷
ৰাজ্য চৰকাৰৰ সকলো মন্ত্ৰী, বিধায়কক শুভেচ্ছা জনাই বিশ্ববিদ্যালয়ৰ ছাত্ৰ সমাজে কয় যে, আন্তঃগাঁথনিমূলক কিছু উন্নয়ন কৰাত চৰকাৰখন সফল হৈছে যদিও মূল্যবৃদ্ধি নিয়ন্ত্ৰণত সম্পূর্ণকৈ বিফল হৈছে ৷ আনহাতে নিবনুৱাক চাকৰি প্ৰদানৰ যি প্ৰতিশ্ৰুতি প্ৰদান কৰিছিল, সেই প্ৰতিশ্ৰুতিও আজি আধৰুৱা হোৱা দেখা গৈছে ৷ আনফালে, আন একাংশ ছাত্ৰই আকৌ বিশ্ববিদ্যালয়খনৰ উন্নীতকৰণৰ ক্ষেত্ৰত মুখ্যমন্ত্ৰীগৰাকীক বিশেষ পদক্ষেপ গ্ৰহণৰ বাবে ব্যৱস্থা গ্ৰহণ কৰিবলৈ আহ্বান জনোৱা দেখা যায় ৷
লগতে চাওক: অসম আৰক্ষীলৈ ৰাষ্ট্ৰপতিৰ নিচান প্ৰদান কৰাৰ পাছতে মৰাণত আনন্দৰ জোৱাৰ
