ডিব্ৰুগড়, 5 আগষ্ট : পিথুবৰ ছোৱালী স্নাতক মহাবিদ্যালয়ৰ ছাত্ৰী একতা সভা আৰু মহাবিদ্যালয়ৰে আছু গোটৰ উদ্যোগত চতুৰ্থ বৰ্গৰ মহিলা কৰ্মচাৰীৰ লগত অবৈধ সম্পৰ্ক ৰখা বিতৰ্কিত প্ৰবক্তা প্ৰমোদ লাহনৰ বিৰুদ্ধে প্ৰতিবাদী কাৰ্যসূচী গ্ৰহণ ৷ আছু গোট আৰু ছাত্ৰী একতা সভাই প্ৰতিবাদী কাৰ্যসূচীৰ জৰিয়তে দাবী কৰে যে মহাবিদ্যালয়ৰ বিতৰ্কিত প্ৰবক্তা প্ৰমোদ লাহন আৰু চতুৰ্থ বৰ্গৰ মহিলা কৰ্মচাৰী ৰেণু চুতীয়া শইকীয়াক মহাবিদ্যালয়ৰ পৰা বদলি নকৰা পৰ্যন্ত প্ৰবেশ নিষিদ্ধ বুলি ঘোষণা কৰাৰ লগতে ভবিষ্যতে যদি মহাবিদ্যালয়ত প্ৰবেশ কৰিবলৈ চেষ্টা কৰে তেন্তে তীব্ৰ আন্দোলনৰ কাৰ্যসূচী লোৱা হ'ব বুলি হুংকাৰ দিয়ে ।
প্পিথুবৰ ছোৱালী স্নাতক মহাবিদ্যালয়ৰ অৰ্থনীতি বিজ্ঞান বিষয়ৰ প্ৰবক্তা প্ৰমোদ লাহন নামৰ প্ৰবক্তাজনে চাকৰিৰ সূত্ৰে একেখন মহাবিদ্যালয়ৰ ৰেণুু চুতীয়া শইকীয়া নামৰ এগৰাকী চতুৰ্থ বৰ্গৰ মহিলা কৰ্মচাৰীৰ ঘৰত ভাৰাতীয়া হিচাপে থাকি মহিলা গৰাকীৰ সৈতে এক অনৈতিক কাৰ্য কৰি অহাৰ অভিযোগ উত্থাপন হৈ আহিছিল ৷ কিন্তু উক্ত সম্পৰ্কৰ বিষয়ে জ্ঞাত হৈ প্ৰবক্তা গৰাকীৰ পৰিয়ালৰ লোকে মহিলা গৰাকীৰ ঘৰত উপস্থিত হৈ সৃষ্টি কৰে এক উত্তপ্ত পৰিস্থিতিৰ ৷ পৰিয়ালৰ লোকে প্ৰৱক্তা গৰাকীক মাৰপিট কৰাৰ লগতে মহিলা গৰাকীৰ ঘৰ ভাঙি লণ্ড-ভণ্ড কৰে । পাছত খোৱাং আৰক্ষী ঘটনাস্থলীত উপস্থিত হৈ পৰিস্থিতি শান্ত কৰাৰ লগতে দুয়োকে থানালৈ লৈ আনে । আছুৰ ডিব্ৰুগড় জিলাৰ প্ৰচাৰ সম্পাদক ৰাহুল কোঁৱৰে জানিবলৈ দিয়া মতে, মহাবিদ্যালয়খনৰ শৈক্ষিক পৰিৱেশ যাতে বিনস্ত নহয় তাৰ প্ৰতি লক্ষ্য ৰাখি প্ৰবক্তা গৰাকীক মহাবিদ্যালয় খনৰ পৰা বৰ্খাস্ত কৰিবৰ বাবে বিশ্ববিদ্যালৰ উপাচাৰ্যৰ লগতে শিক্ষামন্ত্ৰীলৈ পৃথকে পৃথকে একোখনকৈ স্মাৰক পত্ৰও প্ৰেৰণ কৰা হৈছিল আছুৰ তৰফৰ পৰা ৷ কিন্তু ইমানৰ পাছতো উক্ত প্ৰবক্তা আৰু মহিলা কৰ্মচাৰী গৰাকীৰ বিৰূদ্ধে কোনো ধৰণৰ ব্যৱস্থা গ্ৰহণ নকৰাত সোমবাৰে এই প্ৰতিবাদী কাৰ্যসূচী লবলৈ বাধ্য হয় সংগঠনটোৱে ৷
