ডিব্ৰুগড়,25 এপ্ৰিল: অ’এনজিচিৰ তিনি অভিযন্তাৰ অপহৰণৰ ঘটনাই সমগ্ৰ ৰাজ্য তোলপাৰ লগাই থকাৰ মাজতে ডিব্ৰুগড় আৰক্ষীয়ে এই অপহৰণৰ লগত জড়িত এজন লোকক গ্ৰেপ্তাৰ কৰিছে ৷ আৰক্ষীয়ে বাণীপুৰৰ পৰা গ্ৰেপ্তাৰ কৰা ব্যক্তিগৰাকীৰ নাম হৈছে ধীৰাজ চেতিয়া ৷ এই অপহৰণ কাণ্ডটোত ব্যৱহৃত বাইক আলফা (স্বা) ক যোগান ধৰাৰ অভিযোগত আৰক্ষীয়ে গ্ৰেপ্তাৰ কৰে ধীৰাজক । তদন্তৰ খাতিৰত ইতিমধ্যে শিৱসাগৰ আৰক্ষীক চমজাই দিয়া হৈছে ব্যক্তি গৰাকীক ।
ইফালে এই সমগ্ৰ ঘটনাৰ লগত জড়িতৰ অভিযোগত জিলাখনৰ পৰা প্ৰায় ১০ জন আন অভাৰ গ্ৰাউণ্ড আলফা (স্বা)ৰ সদস্যক ডিব্ৰুগড় আৰক্ষীয়ে জিম্মাত লৈছে ৷ আটক কৰা লোক কেইজনক বিভিন্ন ঠাইৰ পৰা আৰক্ষীয়ে জিম্মাত লোৱা বুলি ডিব্ৰুগড় আৰক্ষীৰ এক উচ্চস্তৰীয় সূত্ৰই প্ৰকাশ কৰিছে ।
লগতে পঢ়ক: অ’এনজিচিৰ তিনি বিষয়াৰ অপহৰণ সন্দৰ্ভত মুখ্যমন্ত্ৰীৰ প্ৰতিক্ৰিয়া
