নাহৰকটীয়াত তীব্ৰবেগী বাহনৰ খুন্দাত নিহত মহিলা

স্থানীয় ৰাইজে বলেৰ' কেম্পাৰখনক ঘেৰাও কৰে যদিও গাড়ীখনৰ চালক পলাই যাবলৈ সক্ষম হয় । আনহাতে ঘটনাস্থলীত আৰক্ষী উপস্থিত হৈ গাড়ীখন নিজৰ জিম্মাত লোৱাৰ লগতে ঘটনা সন্দৰ্ভত তদন্ত আৰম্ভ কৰিছে নাহৰকটীয়া আৰক্ষীয়ে ৷

নাহৰকটীয়া, 11 নৱেম্বৰ: নাহৰকটীয়াৰ বাহধাৰীত সোমবাৰে সন্ধিয়া সংঘটিত হয় ভয়ংকৰ পথ দুৰ্ঘটনা ৷ তীব্ৰবেগী বলেৰ' কেম্পাৰৰ খুন্দাত থিতাতে নিহত হয় অনু সোনোৱাল নামৰ এগৰাকী মহিলা। দুলীয়াজান দিশৰ পৰা নাহৰকটীয়া অভিমুখে আহি থকা AS-06-BC- 1543 নম্বৰৰ গাড়ীখনে দোকানৰ পৰা ঘৰলৈ আহি থকা সময়তে পেট্ৰল পাম্পৰ সন্মুখতে মহতিয়াই লৈ যায় মহিলাগৰাকীক । স্থানীয় ৰাইজে বলেৰ' কেম্পাৰখনক ঘেৰাও কৰে যদিও গাড়ীখনৰ চালক পলাই যাবলৈ সক্ষম হয় । ইতিমধ্যে ঘটনাস্থলীত উপস্থিত হৈ গাড়ীখন নিজৰ জিম্মাত লৈছে আৰক্ষীয়ে লগতে ঘটনা সন্দৰ্ভত তদন্ত আৰম্ভ কৰিছে নাহৰকটীয়া আৰক্ষীয়ে ৷