মৰাণ,26ডিচেম্বৰ: মৰাণ চহৰৰ সমীপৰ মৰাণহাট আৰক্ষী থানাৰ অন্তৰ্গত কিৰণ নগৰৰ সমীপত শনিবাৰে সংঘটিত হয় এক পথ দুৰ্ঘটনা । যোৰহাটৰ পৰা অভিনৱ চেতিয়া নামৰ এজন যুৱকে এএছ০৬এবি০১৫৪ নম্বৰৰ আপাচি বাহনখনেৰে ডিব্ৰুগড়স্থিত নিজা বাসগৃহলৈ আহি আছিল ৷ সেই সময়তে বিপৰীত দিশৰ পৰা আহি থকা আন এখন টাটা টিয়াগ' বাহনৰ লগত মুখামুখি সংঘৰ্ষ হয় । দুৰ্ঘটনাটোত বাইক আৰোহী গৰাকী গুৰুতৰ ভাৱে আহত হয় ৷ আহত যুৱক জনক উন্নত চিকিৎসাৰ বাবে ১০৮ সেৱাৰ জৰিয়তে ততাতৈয়াকৈ চিকিৎসালয়লৈ প্ৰেৰণ কৰা হয় ।
আনহাতে, টাটা টিয়াগ' বাহনখনৰ আৰোহী গৰাকীয়ে কোনো ধৰণৰ আঘাত পোৱা নাই যদিও বাহন খনৰ সন্মুখৰ অংশ বহু পৰিমানে ক্ষতি হয় ৷ ইফালে, ঘটনা সংঘটিত হোৱাৰ পাচতে ঘটনাস্থলীত উপস্থিত মৰাণহাট আৰক্ষীয়ে বাহন কেইখন জব্দ কৰি থানালৈ লৈ আহে ৷
অন্য এক খবৰৰ বাবে: ইটিভি ভাৰতৰ বাতৰিৰ প্ৰভাৱ : পচকীবালা ৰায়ৰ ঘৰলৈ সাহায্য
