ডিব্ৰুগড়,21 জানুৱাৰী : মৰাণৰ খোৱাঙত ভয়ংকৰ পথ দুৰ্ঘটনা ৷ তিনিচুকীয়া পৰা যোৰহাট অভিমুখে গৈ থকা এখন বাছে একে দিশৰ পৰা আহি থকা এখন মিনি মেজিকক খুন্দিয়াই ৷ যাৰ ফলত সংঘটিত হয় দুৰ্ঘটনাটো ৷ দুৰ্ঘটনাটোৰ ফলত দুয়োখন বাহনৰে ২৫ গৰাকী যাত্ৰী আহত হোৱাৰ লগতে ইয়াৰে এগৰাকীৰ অৱস্থা সংকটজনক বুলি জানিবলৈ পোৱা গৈছে ৷ আহত হোৱা আটাইকেইজন লোককে ডিব্ৰুগড় মেডিকেললৈ প্ৰেৰণ কৰা হয় ৷
অন্য এক খবৰৰ বাবে : ইৰাকৰ গ্ৰীণ জ'নস্থিত মাৰ্কিন দুতাবাসত ৰকেট আক্ৰমণ
মেজিকখনে কোনো সংকেত নিদিয়াকৈ খোৱাঙৰ পথেৰে সোমাই আহিছিল বাবেই ঘটনাটো সংঘটিত হয় বুলি প্ৰত্যক্ষদৰ্শীয়ে মন্তব্য কৰে ৷ ইফালে, ঘটনা সংঘটিত হোৱাৰ পাছতেই ঘটনাস্থলীত উপস্থিত হয় আৰক্ষী ৷ আৰক্ষীয়ে ঘটনা সন্দৰ্ভত অব্যাহত ৰাখে তদন্ত ৷
