ডিব্ৰুগড়, 6 আগষ্ট: ক্ষমা নুখুজিলে মন্ত্ৰী পীযুষ হাজৰিকাই ৷ বিধায়ক কৰিমুদ্দিন বৰভূঞাই সময়সীমা বান্ধি দিয়াৰ পাছতো ক্ষমা খুজাৰ নামেই নল’লে মন্ত্ৰীগৰাকীয়ে ৷ মন্ত্ৰীগৰাকীয়ে ক্ষমা নুখুজিলে বিশেষ ব্যৱস্থা লোৱাৰো হুংকাৰ দিছিল কৰিমুদ্দিন বৰভূঞাই (Karim Uddin Barbhuiya demands apology from Pijush Hazarika)৷ কিন্তু কোনোপধ্যেই মন্ত্ৰীগৰাকীয়ে ক্ষমা নুখুজাত সকলো ৰাইজৰ বাবে আগবঢ়াই দিলে AIUDF ৰ বিধায়কগৰাকীয়ে ৷
উল্লেখ্য যে, শেহতীয়াকৈ ৰাজ্যত কেইবাজনো জেহাদী আটক হোৱাৰ পাছতেই মন্ত্ৰী পীযুষ হাজৰিকা AIUDF ৰ বিধায়কসকলক সমালোচনা কৰিছিল (Minister Pijush Hazarika Comment on Jihadi)। তেওঁ কৈছিল যে AIUDF ৰ বিধায়কসকল জেহাদীৰ লগত জড়িত । ইয়াৰ পাছতে সৰব হৈ উঠিছিল AIUDF ৰ বিধায়কসকল ।
ইয়াৰ পাছতে মন্ত্ৰী পীযুষ হাজৰিকাক ক্ষমা খোজাৰ দাবী কৰিছিল AIUDF ৰ বিধায়কসকলে । মন্ত্ৰী পীযুষ হাজৰিকাই ক্ষমা নোখোজাত আজি টিংখাঙত AIUDF ৰ বিধায়ক কৰিমুদ্দিন বৰভূঞাই কয়, মন্ত্ৰী পীযুষ হাজৰিকা অহংকাৰী । তেওঁলোকে কেতিয়াও ক্ষমা নোখোজে ৷ সেয়েহে ৰাইজলৈ আগবঢ়াই দিছো ৷ ৰাইজে বিচাৰ কৰিব ৷
ইয়াৰ লগতে জেহাদীক লৈ মন্তব্য কৰা মন্ত্ৰী অশোক সিংঘালক তীব্ৰ সমালোচনা কৰে বিধায়ক কৰিমুদ্দিন বৰভূঞাই ।
লগতে পঢ়ক: NRC controversy: এন আৰ চিৰ ক্ষেত্রত আছুৰ ভূমিকা সন্দেহজনক আখ্যা প্ৰাক্তন সমন্বয়ক হিতেশ দেৱ শৰ্মাৰ
