মৰাণ, 2 ফেব্ৰুৱাৰী : 23 জানুৱাৰীত অসমলৈ আহিছিল প্ৰধানমন্ত্ৰী নৰেন্দ্ৰ মোডী ৷ লগত প্ৰধানমন্ত্ৰী গৰাকীয়ে অসমৰ বাবে আনিছিল বহু পেকেজ ৷ তাৰ ভিতৰত উল্লেখ্যযোগ্য অসমৰ ভূমিহীন খিলঞ্জীয়াক ভূমিপত্তা প্ৰদান ৷ প্ৰধানমন্ত্ৰী গৰাকীয়ে এই ঘোষণা কৰাৰ পাছতেই অসমৰ বহু ভূমিহীন খিলঞ্জীয়াক ভূমিপত্তা প্ৰদান কৰা হয় ৷
ৰাজ্যৰ বিভিন্ন প্ৰান্তৰ লগতে মৰাণতো বিতৰণ কৰা হয় খিলঞ্জীয়া ভূমিহীনক ভূমিপত্তা ৷ সোমবাৰে ৰাজহ আৰু দুৰ্যোগ ব্যৱস্থাপনা বিভাগ আৰু ডিব্ৰুগড় জিলা প্ৰশাসনৰ উদ্যোগত মৰাণ সমষ্টিৰ খিলঞ্জীয়া ভূমিহীন ব্যক্তিৰ মাজত ভূমি পট্টা বিতৰণ কৰে বিধায়ক চক্ৰধৰ গগৈয়ে ৷
সোমবাৰে ডিব্ৰুগড় জিলাৰ মৰাণ বিধানসভা সমষ্টিৰ খোৱাং মৌজাৰ অন্তৰ্গত ১৩ শতাধিক খিলঞ্জীয়া ভূমিহীন ব্যক্তিৰ মাজত আবন্টন পত্ৰ প্ৰদান কৰাৰ লগতে দুই শতাধিক লোকৰ মাজত ভূমি পট্টা বিতৰণ কৰে মৰাণ সমষ্টিৰ বিধায়ক চক্ৰধৰ গগৈয়ে ৷
লগতে পঢ়ক : লকডাউনত কঠোৰ নিষেধাজ্ঞাৰ মাজতো ত্ৰিপুৰাত দুৰ্ঘটনাত 192 গৰাকীৰ মৃত্যু
