মৰাণ,১২ জুন: মাইক্ৰ’ফাইনেন্সৰ ঋণ ৰেহায়ৰ দাবীত পুনৰ গৰজি উঠিল সদৌ অসম সচেতন মহিলা মঞ্চ । আগন্তুক ১৫ দিনৰ ভিতৰত মাইক্ৰ’ফাইনেন্সৰ ঋণ ৰেহায়ৰ ব্যৱস্থা নকৰিলে আগন্তুক লোকসভা নিৰ্বাচনত ভোট বৰ্জন কৰাৰ হুংকাৰ মহিলাসকলৰ(Women demand microfinance loan waiver) ।
টিংখাঙৰ গান্ধী ময়দানত সদৌ অসম সচেতন মহিলা মঞ্চৰ প্ৰথম বাৰ্ষিক মহিলা সমাৰোহত চৰকাৰৰ বিৰুদ্ধে হুংকাৰ দিয়ে মহিলাসকলে । সমাৰোহত ৰাজ্যৰ বিভিন্ন প্ৰান্তৰ কেইবা সহস্ৰাধিক মহিলাই অংশগ্ৰহণ কৰে । ২০১৯ চনতে গঠন হোৱা সদৌ অসম সচেতন মহিলা মঞ্চই বিভিন্ন সময়ত মাইক্ৰ’ফাইনেন্সৰ ঋণ ৰেহায়ৰ দাবী জনাই আহিছে(Assam microfinance incentive and relief scheme) । আনকি আন্দোলনৰ কাৰ্যসূচী গ্ৰহণ কৰি আহিছে ।
শেহতীয়াকৈ চৰকাৰে মাইক্ৰ’ফাইনেন্সৰ হিতাধিকাৰী সকলক ২৫,০০০ টকা সাহায্য প্ৰদান কৰিছে যদিও প্ৰকৃত ঋণগ্ৰস্ত মহিলাসকল এতিয়াও উপকৃত হ'ব পৰা নাই । এতিয়াও ঋণগ্ৰস্ত মহিলাসকল ঋণ ৰেহাইৰ পৰা বঞ্চিত হৈ আছে । সেয়েহে আগন্তুক নিৰ্বাচনৰ পূৰ্বে ঋণ ৰেহাইৰ ব্যৱস্থা নকৰিলে ভোট বৰ্জনৰ সিদ্ধান্ত গ্ৰহণ কৰিছে মহিলা সকলে । দেওবাৰে দিনজোৰা কাৰ্যসূচীৰে অনুষ্ঠিত মহিলা সমাৰোহত মহিলা সবলীকৰণৰ ওপৰতো আলোচনা কৰা হয় ।
লগতে পঢ়ক: হত্যাকাণ্ডৰ এবছৰৰ পাচত গ্ৰেপ্তাৰ গোৱালপাৰাৰ চুপাৰি কিলাৰ
