মৰাণ,3 জানুৱাৰী: নৱ-বৰ্ষৰ আনন্দ উল্লাসৰ মাজতে কেইটামান দিনৰ পাছতে ৰাজ্যজুৰি উদযাপিত হ'ব মাঘ বিহু ৷ ইয়াকেলৈ এতিয়া ৰাজ্যৰ বিভিন্ন প্ৰান্তত দেখিবলৈ পোৱা গৈছে মাঘ বিহুৰ ব্যাপক প্ৰস্তুতি ৷ ৰাজ্যৰ বিভিন্ন ঠাইৰ সমান্তৰালভাৱে মৰাণতো আৰম্ভ হৈছে মাঘবিহুৰ ব্যাপক প্ৰস্তুতি ৷ এইবাৰ মৰাণ আঞ্চলিক চুতীয়া ছাত্ৰ সন্থাৰ উদ্যোগত আৰু দক্ষিণ বৰপথাৰ ৰাইজৰ সহযোগত দক্ষিণ বৰপথাৰ ফণীধৰ চুতীয়া সোঁৱৰণি সমন্বয় ক্ষেত্ৰত অহা 14 আৰু 15 জানুৱাৰীত অনুষ্ঠিত কৰিব ভোগৰ উৎসৱ ভোগালী বিহু ৷
কৰ'ণা আতংকৰ বাবে পাৰ হোৱা বহাগ বিহুটি অনুষ্টুপীয়াকৈ পালন কৰিব লগা হোৱাৰ পাছতে কৰ'ণাৰ ভয়াৱহতা কম হোৱাত মৰাণত বৰ্নাঢ্য কাৰ্যসূচীৰে মাঘ বিহু পালনৰ ব্যাপক প্ৰস্তুতি চলাইছে ৰাইজে ৷ উল্লেখ্য যে,দেওবাৰে কেইবাজনো বিশিষ্ট ব্যক্তিৰ উপস্থিতিত উক্ত অনুষ্ঠানৰ লাইখুটা স্থাপন কৰে উদ্যোক্তা মণ্ডলীয়ে ৷ লগতে খেল পথাৰ নিৰ্মাণত ব্যস্ত হৈ পৰিছে মৰাণ আঞ্চলিক চুতীয়া ছাত্ৰ সন্থাৰ সদস্য সকল ৷ লগতে নৃত্য-গীতেৰে আখৰাত ব্যস্ত হৈ পৰিছে গাঁৱৰ জীয়ৰি বোৱাৰী সকল ৷
