মৰাণ, ২৯ আগষ্ট:নতুন শিক্ষানীতি(New Education Policy)অনুযায়ী পঞ্চম শ্ৰেণীলৈকে মাতৃভাষা বাধ্যতামূলক । তথাপি অসম চৰকাৰে তৃতীয় শ্ৰেণীৰ পৰা বিজ্ঞান আৰু গণিত বিষয় ইংৰাজী মাধ্যমত অধ্যয়ন কৰাৰ বাবে সিদ্ধান্ত গ্ৰহণ কৰিছে । চৰকাৰৰ এই হঠকাৰী সিদ্ধান্তৰ বিৰুদ্ধে ইতিমধ্যে প্ৰতিবাদ সাব্যস্ত কৰিছে বিভিন্ন জাতীয় দল-সংগঠনে(protest against teaching medium in English)। চৰকাৰৰ এনে সিদ্ধান্তৰ বিৰুদ্ধে সৰৱ হৈছে অখিল ভাৰতীয় বিদ্যাৰ্থী পৰিষদ(ABVP)। এই ছাত্ৰ সংগঠনটোৰ প্ৰতিবাদ অব্য়াহত থকাৰ মাজতে প্ৰতিক্ৰিয়া প্ৰকাশ কৰিছে মন্ত্ৰী যোগেন মহনে ।
মৰাণৰ এক অনুষ্ঠানত অংশগ্ৰহণ কৰি মন্ত্ৰী যোগেন মহনে(Minister Jogen Mohan comment on ABVPs protest)কয় যে অখিল ভাৰতীয় বিদ্যাৰ্থী পৰিষদ(ABVP)হৈছে এটা ছাত্ৰ সংগঠন । গতিকে ছাত্ৰ-ছাত্ৰীৰ হৈ এই ছাত্ৰ সংগঠনটোৱে মাত মাতিবই । লগতে মন্ত্ৰী মহনে কয় যে মাতৃভাষাক লৈ চৰকাৰৰ শ্ৰদ্ধা আছে । প্ৰতিবাদ কৰাতকৈ চৰকাৰৰ সৈতে দল সংগঠন সমূহক আলোচনাত বহি এই বিষয়সমূহ সমাধান কৰিবলৈ তেওঁ আহ্বান জনায় ।
আনহাতে, চৰকাৰী বিদ্যালয়সমূহ বন্ধ কৰিবলৈ চৰকাৰে লোৱা সিদ্ধান্তৰ প্ৰতিক্ৰিয়া প্ৰকাশ কৰি মন্ত্ৰী মহনে কয় যে ছাত্ৰ-ছাত্ৰী নথকা বিদ্যালয় বন্ধ কৰিছে চৰকাৰে । আনকি তেওঁ অধ্য়য়ন কৰা বিদ্যালয়খনো আন এখন বিদ্যালয়ৰ সৈতে চামিলকৰণ(Amalgamation of school in Moran)কৰা বুলি কয় । গতিকে এই বিষয়ত প্ৰতিবাদ কৰাতকৈ অসমীয়া চৰকাৰী বিদ্যালয় জীয়াই ৰাখিবলৈ তেওঁ সকলোকে আহ্বান জনায় । চৰকাৰৰ সিদ্ধান্তৰ বিৰুদ্ধে প্ৰতিবাদ জনোৱাৰ পৰিৱৰ্তে সকলোকে নিজৰ সন্তানক চৰকাৰীক বিদ্যালয়ত পঢ়ুৱাবলৈ আহ্বান জনায় মন্ত্ৰী মহনে ।
লগতে পঢ়ক:প্ৰধানমন্ত্ৰীৰ জন্মদিনত প্ৰধানমন্ত্ৰী আবাস যোজনাৰ এক লাখ ঘৰ
