মৰাণ,12 জানুৱাৰীঃ সমাগত বিধানসভা নিৰ্বাচনক লৈ তৎপৰ হৈ পৰিছে দেশৰ নিৰ্বাচন আয়োগ । সোমবাৰে ভাৰতৰ নিৰ্বাচন আয়োগৰ সঞ্চালক প্ৰধান ধৰ্মেন্দ্ৰ শৰ্মাৰ নেতৃত্বত নিৰ্বাচন আয়োগৰ এটা দলে ডিব্ৰুগড়ত উপস্থিত হয় ।
নিৰ্বাচন আয়োগৰ দলটোৱে ৰাজ্যখনৰ ২০ খন নিৰ্বাচন জিলাৰ জিলা নিৰ্বাচন বিষয়া আৰু আৰক্ষী অধীক্ষকসকলৰ সৈতে উক্ত জিলাসমূহৰ নিৰ্বাচনৰ প্ৰস্তুতিৰ সম্পৰ্কত পৰ্যালোচনা কৰে ৷ নিৰ্বাচন আয়োগৰ সঞ্চালক প্ৰধানৰ সৈতে সভাত নিৰ্বাচন আয়োগৰ জ্যেষ্ঠ প্ৰধান সচিব নৰেন্দ্ৰ এন বুটলিয়া,সঞ্চালক (ব্যয়) শ্ৰী পংকজ শ্ৰীবাস্তৱ,সঞ্চালক (আইন) বিজয় পাণ্ডে,ই ভি এম কনচালটেণ্ট বিপিন কাটাৰা উপস্থিত থাকে ৷ লগতে সভাত অসমৰ মুখ্য নিৰ্বাচন বিষয়া নিতীন খাড়ে,আৰক্ষী মহাপৰিদৰ্শক ( আইন-শৃংখলা) দীপক কেডিয়া,তিনিটা সংমণ্ডলৰ উপ আৰক্ষী সঞ্চালক প্ৰধানসকল আৰু অন্যান্য সকল উপস্থিত থাকে ৷
লগতে চাওকঃ এছিয়াৰ প্ৰসিদ্ধ টাৱাং মনাষ্ট্ৰীত তিৰজ্ঞা আৰম্ভ
