ডিব্ৰুগড়, 22 মাৰ্চঃ কৰ'ণা ভাইৰাছৰ ভয়াৱহতাৰ প্ৰতি লক্ষ্য ৰাখি সোমবাৰে ডিব্ৰুগড় প্ৰেছ ক্লাবে ডিব্ৰুগড়ৰ সাংবাদিক সকললৈ হেণ্ড চেনিটাইজাৰ বিতৰণ কৰে ৷ জনস্বাস্থ্য কাৰিকৰী বিভাগৰ কাৰ্যবাহী অভিযন্তা ভাস্কৰ শৰ্মাৰ সহযোগত হেণ্ড চেনিটাইজাৰ সমূহ প্ৰদান কৰা হয় ৷ ক্লাবৰ সম্পাদক ৰাতুল গোঁহাইয়ে আঁত ধৰা অনুষ্ঠানত ক্লাবৰ সভাপতি মনজিৎ শৰ্মা, ডিব্ৰুগড় প্ৰেছ ক্লাবৰ সম্পাদক অনিল পোদ্দাৰ, ক্লাবৰ প্ৰাক্তন সম্পাদক সুৰজ দত্ত, আলোচনী সম্পাদক যাদৱ গগৈ উপস্থিত থাকে ৷
উল্লেখ্য যে, বজাৰত হেণ্ড চেনিটাইজাৰৰ নাটনিৰ প্ৰতি লক্ষ্য ৰাখি জনস্বাস্থ্য কাৰিকৰী বিভাগে প্ৰস্তুত কৰা হেণ্ড চেনিটাইজাৰ জৰুৰীকালীন সেৱাত ব্যস্ত থকা আৰক্ষী, পৌৰকৰ্মী আদি লোককো প্ৰদান কৰা হয় ৷ আজি বৃহত্তৰ ডিব্ৰুগড় প্ৰেছ ক্লাবত 5 লিটাৰ হেণ্ড চেনিটাইজাৰ বিতৰণ কৰি সাংবাদিক সকলক সকলোৰে লগত পাৰ্যমানে দূৰত্ব বজাই ৰাখি অতি সজাগতাৰে বাতৰি প্ৰস্তুত কৰিবলৈ আহ্বান জনায় ৷
লগতে পঢ়কঃ কৰ'ণাৰ সজাগতা : বৰপেটাত স্তব্ধ জনজীৱন !
