পথাৰত চিৰাল ফাট, ৰাইজে পাতিলে ভেকুলী বিয়া

খৰাঙৰ কবলত পৰি চিৰাল ফাট মেলিছে ৰাজ্যৰ খেতি পথাৰ ৷ উপায়ন্তৰ কৃষকে পাতিলে ভেকুলী বিয়া ৷ ঢেঁকী, নাঙল চোৰ কৰি পথাৰত পুতিলে চহা ৰাইজে ৷

ডিব্ৰুগড়, 31 আগষ্টঃ বানৰ পাছত এতিয়া খৰাঙৰ কবলত পৰি চিৰাল ফাট মেলিছে ৰাজ্যৰ খেতি পথাৰ যাৰ বাবে মূৰে কপালে হাত দিব লগা হৈছে কৃষক ৰাইজে ৷ জলসিঞ্চন বিভাগেও পথাৰত পানী যোগানৰ ক্ষেত্ৰত কোনো গুৰুত্ব প্ৰদান নকৰাত উপায়ন্তৰ হৈ ডিব্ৰুগড়ৰ খোৱাঙৰ কৃষক ৰাইজে সমূহীয়াকৈ অনুষ্ঠিত কৰিলে ভেকুলীৰ বিয়া ৷ সম্পূৰ্ণ ৰীতি নীতিৰে অনুষ্ঠিত কৰা ভেকুলী বিয়াৰ উপৰিও অঞ্চলটোৰ ৰাইজে ঢেঁকী, নাঙল আদি চুৰি কৰি আনি পথাৰত পুতি থোৱা পৰিলক্ষিত হৈছে ।

উল্লেখযোগ্য যে, জনবিশ্বাস অনুসৰি এনে কৰিলে বৰুণ দেৱতা সন্তুষ্ট হয় আৰু বৰষুণ অহাৰ সম্ভাৱনা থাকে ৷