ডিব্ৰুগড়,14 এপ্ৰিল : ৰাজ্যবাসী মতলীয়া ৰঙালীৰ ৰঙত ৷ দেওবাৰে সমগ্ৰ ৰাজ্যবাসীয়ে পালন কৰিলে গৰু বিহু ৷ ৰাজ্যৰ অন্য প্ৰান্তৰ দৰে ডিব্ৰুগড়টো দেখা গ'ল বিহুৰ উলহ-মালহ পৰিৱেশ ৷ জিলাখনৰ বৰপথাৰ হাতকটা কোঁৱৰ গাঁৱবাসীৰ লগতে বিধায়ক প্ৰশান্ত ফুকনেও পুৱাই গাঁওবাসীৰ সৈতে গৰু-গাইক গা ধোৱালে ৷ জ্যেষ্ঠ বিধায়কগৰাকীয়ে কান্ধত ঢোল লৈ মুখত বিহু গীত গাই পৰম্পৰা ৰক্ষা কৰি খেলিলে কণী যুঁজ ৷
কান্ধত ঢোল লৈ বিধায়ক প্ৰশান্ত সোণোৱাল
ইফালে , ডিব্ৰুগড়ৰ গাঁৱে গাঁৱে গৰু বিহু উদযাপন । নৈ-বিল,পুখুৰী পাৰত লাও খা,বেঙেনা খা নামেৰে মুখৰিত আকাশ-বতাহ । আজি চ'তৰ সংক্ৰান্তীৰ দিনা অসমীয়াই লোক পৰম্পৰাৰে পালন কৰিছে গৰু বিহু ।ডিব্ৰুগড়ৰ বকুল মাজগাঁৱত সমূহ ৰাইজ একত্ৰিত হৈ পালন কৰে গৰু বিহু । চেঁচা নদীত গৰুক মা-হালধিৰে নোৱাই গা ধোৱাই লাও খা বেঙেনা খা,মাৰ সৰু বাপেৰ সৰু তই হবি বৰ গৰু বুলি আনন্দত আত্মহাৰা গাঁওবাসী ৷
