ডিব্ৰুগড়, ২৭ মাৰ্চ: দৌল উৎসৱ উপলক্ষে শান্তি-শৃংখলাৰ বজাই ৰখাৰ স্বাৰ্থত ডিব্ৰুগড়ৰ জিলা দণ্ডাধীশ পল্লৱ গোপালা ঝাই এক নিৰ্দেশনা জাৰি কৰিছে । এই নিৰ্দেশনাৰ জৰিয়তে কোৱা হৈছে যে, অহা ২৮ মাৰ্চৰ দিনাও জিলাখনৰ সকলো দেশী-বিদেশী সুৰাৰ বিপণী, হোটেল, বাৰ ইত্যাদিত সুৰাৰ বিক্ৰী কৰিব নোৱাৰিব ।
আবকাৰী আইন ২০০০ৰ অধীনত জাৰি কৰা এই নিৰ্দেশনা ভংগ কৰা লোকসকলৰ বিৰুদ্ধে এই আইনৰ অধীনত বিহিত ব্যৱস্থা গ্ৰহণ কৰা হ'ব । উল্লেখ্য যে, ইতিমধ্যে ইয়াৰ পূৰ্বে প্ৰথম পৰ্যায়ৰ ভোটগ্ৰহণৰ বাবে যোৱা মাৰ্চৰ সন্ধিয়া পাঁচ বজাৰ পৰা ২৭ মাৰ্চৰ ৫ বজা অথবা ভোট গ্ৰহণ চলি থকা সময়লৈকে ডিব্ৰুগড়ত সুৰাৰ বিক্ৰী নিষিদ্ধ হৈ আছিল ।
লগতে পঢ়ক:অসমত প্ৰথম পৰ্যায়ৰ নিৰ্বাচনত প্ৰায় 74.28 শতাংশ ভোটদান
