মৰাণ, 16মে’: ডিব্ৰুগড় জিলা উপায়ুক্ত কাৰ্যালয়ৰ সভাকক্ষত জিলা উপায়ুক্ত পল্লব গোপাল ঝাৰ সভাপতিত্বত দেওবাৰে জিলাখনৰ সকলো চক্ৰ বিষয়া, স্বাস্থ্য বিভাগৰ চিকিৎসক আৰু বিষয়া সকলৰ উপস্থিতত ক'ভিড- ১৯ সংক্ৰমণ প্ৰতিৰোধ সৰ্ম্পকে এখন বৈঠক অনুষ্ঠিত হয় ।
বৈঠকত উপায়ুক্ত গৰাকীয়ে উপস্থিত বিষয়া সকলক সংক্ৰমিত এলেকাৰ আৰু চাহ বাগিচা এলেকাত কন্টেইনমেইন্ট জ’ন বা ক্ষুদ্ৰ কন্টেইনমেইন্ট জ’ন সমূহত কঠোৰ ভাবে বলৱৎ কৰিবলৈ নিৰ্দেশ প্ৰদান কৰে ।
ইয়াৰ উপৰিও উপায়ুক্তগৰাকীয়ে আহি থকা দিনত জিলাখনত ক'ভিড সংক্ৰমিত ৰোগী সকলক চিকিৎসা সেৱা প্ৰদান কৰাৰ বাবে বিভিন্ন স্থানত আৰু অধিক ক'ভিড কেয়াৰ চেণ্টাৰ সাজু কৰি তুলিবলৈ নিৰ্দেশ দিয়ে ৷ লগতে চাহ বাগিচা সমূহতো বাগিচা কৰ্তৃপক্ষৰ সৈতে বিষয়া সকলক আলোচনাত মিলিত হৈ তাত ক'ভিড কেয়াৰ চেণ্টাৰ স্থাপন কৰাৰ কথা উল্লেখ কৰে ।
সভাখনত জিলা উন্নয়ন আয়ুক্ত পার্থ প্ৰতিম বৈৰাগী, অতিৰিক্ত উপায়ুক্ত তপন কুমাৰ গোহাঁই আৰু ৰাজীৱ থাপা উপস্থিত থাকে ।
লগতে পঢ়ক: মহামাৰীয়ে বিপদ মাতিছে মাজুলীৰ মুখা শিল্পলৈ
