ডিব্ৰুগড়, 28 জুন: ৰাজ্যৰ 21 খন জিলা বৰ্তমান বানৰ বিভীষিকাৰ কবলত ৷ ডিব্ৰুগড়তো সংহাৰী ৰূপ ধাৰণ কৰিছে বানে ৷ চাবুৱাত বানৰ তাণ্ডৱ অপৰিৱৰ্তিত থকাৰ সময়তে সংঘটিত হৈছে এক হৃদয় বিদাৰক ঘটনা ৷ সমগ্ৰ অঞ্চলটো বানৰ কবলত পৰাৰ সময়তে উপযুক্ত ঠাইৰ অভাৱত প্ৰায় 45 বছৰীয়া ইৰাৱতী নৰহ নামৰ মহিলাগৰাকীৰ মৃতদেহ সৎকাৰ কৰিবলগীয়া হৈছে নাৱত ৷ উক্ত ঘটনা সংঘটিত হৈছে খোদ মুখ্যমন্ত্ৰী সৰ্বানন্দ সোণোৱালৰ গৃহ পঞ্চায়তৰ অধীনষ্ঠ বিন্ধাকটাত ৷ বানৰ ফলত অঞ্চলটোৰ ৰাইজৰ মাজত সৃষ্টি হৈছে তীব্ৰ খাদ্য সংকটৰ ৷
চাবুৱাত অপৰিৱৰ্তিত বান
লগতে চাওকঃ জলমগ্ন কাজিৰঙা : বাগৰি বনাঞ্চলত উদ্ধাৰ গঁড়ৰ মৃতদেহ
