ডিব্ৰুগড়,২৬ অক্টোবৰ: ডিব্ৰুগড়ৰ অসম চিকিৎসা মহাবিদ্যালয়ত আজি উপস্থিত হয় ভাৰত চৰকাৰৰ কেন্দ্ৰীয় কেবিনেট মন্ত্ৰী সৰ্বানন্দ সোণোৱাল(Central minister Sarbananda Sonowal) । চিকিৎসা মহাবিদ্যালয়খনৰ মহাৰজত জয়ন্তী উদযাপনৰ মাজতেই চিকিৎসালয়খনত উপস্থিত হৈ চিকিৎসা মহাবিদ্যালয়খনৰ অধ্যক্ষ, অধীক্ষকৰ লগতে প্ৰতিটো বিভাগৰ মূৰব্বী চিকিৎসকৰ লগত মত বিনিময় কৰে কেন্দ্ৰীয় মন্ত্ৰী গৰাকীয়ে । লগতে নবেম্বৰৰ প্ৰথম সপ্তাহত অনুষ্ঠিত হ'বলগীয়া মহাৰজত জয়ন্তীৰ সামৰণি অনুষ্ঠানৰ প্ৰস্তুতি সম্পৰ্কেও বুজ লয় কেবিনেট মন্ত্ৰী গৰাকীয়ে(Central minister Sarbananda Sonowal in Assam medical college) ।
মহাৰজত জয়ন্তীৰ লগত সংগতি ৰাখি অসম চিকিৎসা মহাবিদ্যালয়ৰ পৰা এটা ডাক টিকট উলিওৱাৰ ক্ষেত্ৰত ভাৰত চৰকাৰৰ পৰা সহায় সহযোগ আগবঢ়োৱাৰ প্ৰতিশ্ৰুতি দিয়ে সৰ্বানন্দ সোণোৱালে(Assam medical college) । ইফালে, উত্তৰ পূৰ্বাঞ্চলৰ ভিতৰত প্ৰথমখন চিকিৎসা মহাবিদ্যালয় ডিব্ৰুগড়ৰ অসম চিকিৎসা মহাবিদ্যালয়ক বিশ্ববিদ্যালয় পৰ্যায়লৈ উন্নীত কৰাৰ প্ৰক্ৰিয়া পৰ্যায়ক্ৰমে আগবাঢ়িব বুলি সংবাদ মাধ্যমৰ আগত সদৰী কৰে সোণোৱালে(Maharajat Jayanti in AMCH) । চিকিৎসা মহাবিদ্যালয়খনৰ এই কাৰ্যসূচীত সৰ্বানন্দ সোণোৱালৰ সৈতে উপস্থিত থাকে কেন্দ্ৰীয় ৰাজ্যিক মন্ত্ৰী ৰামেশ্বৰ তেলী ।
