মৰাণ, 15 ছেপ্টেম্বৰ : দেশৰ প্ৰধানমন্ত্ৰী তথা বিজেপি দলৰ জ্যেষ্ঠ নেতা নৰেন্দ্ৰ মোডীৰ ৭০ সংখ্যক জন্মদিনৰ লগত সংগতি ৰাখি ভাৰতীয় জনতা পাৰ্টীয়ে দেশজুৰি পালন কৰিছে সেৱা সপ্তাহ ৷ বিধানসভা সমষ্টিৰ বিভিন্ন ঠাইতো বিজেপি দলৰ কমকৰ্তা সকলে পালন কৰে এই কাৰ্যসূচী ।
মংগলবাৰে ডিব্ৰুগড় জিলাৰ মৰাণ বিধানসভা সমষ্টিৰ লৰুৱা মণ্ডলৰ অন্তৰ্গত লেজাই গাঁও পঞ্চায়তৰ উদ্যোগত দেৱানবাৰীৰ সাপ্তাহিক বজাৰ অঞ্চলত দলৰ সমূহ কাৰ্যকৰ্তাৰ সহযোগত সেৱা সপ্তাহৰ শুভাৰম্ভ কৰা হয় ৷ স্বচ্ছতা অভিযান আৰু এবাৰ ব্যৱহৃত প্লাষ্টিকৰ সামগ্ৰী বৰ্জনৰ সংকল্প লৈ স্বচ্ছতা অভিযান কাৰ্যসূচী ৰূপায়ন কৰা হয় ।
লেজাই গাঁও পঞ্চায়তৰ সভানেত্ৰী ৰীমা দাসৰ লগতে এই কাৰ্যসূচীত ভাৰতীয় জনতা পাৰ্টীৰ মৰাণ সমষ্টিৰ বহুকেইগৰাকী বিষয়ববীয়াৰ লগতে পঞ্চায়তৰ ৱাৰ্ড সদস্য সকল আৰু দলৰ কাৰ্য কৰ্তা সকলে অংশ গ্ৰহণ কৰে । মুঠৰ ওপৰত মৰাণৰ বিভিন্ন ঠাইত প্ৰধানমন্ত্ৰীৰ জন্মদিনৰ উপলক্ষে অনুষ্ঠিত হোৱা সেৱা সপ্তাহে স্বচ্ছতাৰ ক্ষেত্ৰত ৰাইজক কিছু সজাগ সচেতন কৰাৰ পৰিৱেশ সৃষ্টি কৰি তুলিছে ।
লগতে পঢ়ক : জলেশ্বৰত বিজেপিৰ "সেৱা সপ্তাহ" কাৰ্যসূচী
