কৃষক মুক্তি সংগ্ৰাম সমিতক তীব্ৰ সমালোচনা বিজেপি যুৱ মৰ্চাৰ

দুদিন পূৰ্বে কৃষক মুক্তিয়ে টিংখাঙৰ ৰাজগড়ত এখন সংবাদমেল পাতি বিজেপিৰ চৰকাৰৰ লগতে টিংখাঙৰ বিধায়ক বিমল বড়াৰ বিৰুদ্ধেও তীব্ৰ অভিযোগ উত্থাপন কৰে ৷ লগতে বিধায়ক বিমল বড়াক বাংলাদেশীৰ চৰদাৰ আখ্যা দিয়ে সংগঠনটোৱে । বিধায়ক বিমল বড়াৰ বিৰুদ্ধে কৃষক মুক্তিয়ে অনা এই অভিযোগৰ পাছতেই তীব্ৰ প্ৰতিক্ৰিয়া সৃষ্টি হৈছে টিংখাঙৰ বিজেপিৰ মহলত।

টিংখাং, 5 আগষ্টঃ কৃষক মুক্তি সংগ্ৰাম সমিতিয়ে টিংখাঙৰ বিধায়ক বিমল বড়াক বাংলাদেশীৰ চৰদাৰ মন্তব্য কৰাৰ পাছতে সংগঠনটোৰ ওপৰত সৰৱ হৈ পৰিছে বিজেপি যুৱ মৰ্চা টিংখাং মণ্ডল সমিতি ৷ বুধবাৰে এখন সংবাদমেল সম্বোধন কৰি কৃষক মুক্তিয়ে কৰা এই মন্তব্যৰ তীব্ৰ বিৰোধিতা কৰে বিজেপি যুৱ মৰ্চা টিংখাং মণ্ডল সমিতিয়ে ৷

লগতে পঢ়কঃ বৰপেটাত জব্দ দুটা অবৈধ কাঠফলা কল

দৰাচলতে, দুদিন পূৰ্বে কৃষক মুক্তিয়ে টিংখাঙৰ ৰাজগড়ত এখন সংবাদমেল পাতি বিজেপিৰ চৰকাৰৰ লগতে টিংখাঙৰ বিধায়ক বিমল বড়াৰ বিৰুদ্ধেও তীব্ৰ অভিযোগ উত্থাপন কৰে ৷ লগতে বিধায়ক বিমল বড়াক বাংলাদেশীৰ চৰদাৰ আখ্যা দিয়ে সংগঠনটোৱে । বিধায়ক বিমল বড়াৰ বিৰুদ্ধে কৃষক মুক্তিয়ে অনা এই অভিযোগৰ পাছতেই তীব্ৰ প্ৰতিক্ৰিয়া সৃষ্টি হৈছে টিংখাঙৰ বিজেপিৰ মহলত।

জাঙুৰ খাই উঠিছে বিজেপি টিংখাং মণ্ডল যুৱ মৰ্চাৰ সদস্য সকল । বুধবাৰে টিংখাং বিধায়কৰ কাৰ্যালয়ত মণ্ডল যুৱ মৰ্চাই এখন সংবাদমেল অনুষ্ঠিত কৰি কৃষক মুক্তিৰ এনে মন্তব্যৰ তীব্র বিৰোধিতা কৰে ৷ লগতে ভৱিষ্যতৰ দিনত এনে মন্তব্য নকৰিবলৈ সকীয়নি প্ৰদান কৰে বিজেপি মৰ্চাৰ সদস্যসকলে ৷ লগতে টিংখাঙত হৈ অহা উন্নয়নৰ গতি ধাৰাত বাধা দিয়াৰ চেষ্টা নকৰিবলৈও সকিয়াই দিয়ে । অন্যথা ইয়াৰ যোগ্য প্ৰত্যুত্তৰ দিবলৈ টিংখাং মণ্ডল যুৱ মৰ্চা প্ৰতি মুহূৰ্তত সাজু হৈ আছে মন্তব্য কৰে বিজেপি মৰ্চাৰ সদস্যসকলে ৷