লক ডাউনৰ নৱম দিনঃ দৰিদ্ৰ জনতাৰ কাষত বিভিন্নজন

গোলাঘাট,2 এপ্ৰিলঃ  কৰ'ণা ভাইৰাছৰ আতংকত সকলো স্থান নিমাওমাও পৰিৱেশ। লকডাউনৰ সময়ছোৱাত বিভিন্নজনে ঘৰৰ ভিতৰত বহি পৰিয়ালৰ লগত দিন পাৰ কৰিছে । কিন্তু গোলাঘাটৰ খুমটাই চাহ বাগিচাৰ জাকিৰ আলি নামৰ যুৱকজনে লৈছে ব্যতিক্ৰমী পদক্ষেপ। কৰ'ণা ভাইৰাছৰ পৰা পৰিত্ৰাণ পাবলৈ যুৱকজনে প্ৰস্তুত কৰি উলিয়াইছে মাক্স। নিজেই কাপোৰ কিনি ঘৰত পত্নী আৰু আন কেইবাজনৰ লগত মিলি প্ৰস্তুত কৰিছে মাক্স। খুমটাই ৰেল ষ্টেচনৰ সমীপত বিভিন্নজনক বিনামূলীয়া কৈ জাকিৰ আৰু তেওঁৰ সতীৰ্থই প্ৰদান কৰিছে মাক্স। জাকিৰৰ এই প্ৰচেষ্টাত সহায়ৰ হাত আগবঢ়াইছে পত্নী ৰাহেনা বেগম আৰু আইচা বেগম, জুনমাই তাঁতী বেগমে। জাকিৰৰ এনে কাৰ্যক শলাগ লৈছে স্থানীয় ৰাইজে।