মৰাণ, 8 জুন : কৰ'ণা (Corona) মহামাৰীৰ পৰিপ্ৰেক্ষিতত চৰকাৰে জাৰি কৰা নিৰ্দেশনাই আহুকালৰ সৃষ্টি কৰিছে বিভিন্ন জনৰ মাজত । আংশিক লকডাউন (Lock Down)ৰ ফলত জনজীৱন স্তব্ধপ্ৰায় হৈ পৰিছে খাটিখোৱা সাধাৰণ জনতাৰ । তাৰ সমান্তৰালকৈ এতিয়া খাদ্য সংকটত ভুগিছে আশ্ৰয়হীন পদপথৰ বাসিন্দাসকল । এইসকল পদপথৰ বাসিন্দাক সহায়ৰ হাত আগবঢ়াবলৈ ওলাই আহিছে সোণাৰিৰ এগৰাকী মানৱদৰদী যুৱক প্ৰাচুৰ্য বৰগোহাঁই ।
শ্বিলঙৰ চেণ্ট এডমাণ্ড কলেজৰ ছাত্ৰ প্ৰাচুৰ্য বৰগোহাঁই মঙলবাৰে সোণাৰিৰ পদপথত বসবাস কৰা লোকসকলৰ কাষত উপস্থিত হৈ সহায়ৰ হাত আগবঢ়ায় । বিগত সময়তো সাঁচতীয়া ধনেৰে আৰ্তজনলৈ সহায়ৰ হাত আগবঢ়োৱা প্ৰাচুৰ্যই ৷ সোণাৰিৰ পদপথত বসবাস কৰা প্ৰায় অৰ্ধ শতাধিক লোকক N95 মাস্ক, চেনিটাইজাৰ আৰু খাদ্য সামগ্ৰী বিতৰণ কৰে । উল্লেখ্য যে, বিগত সময়তো বানপানীৰ লগতে বিভিন্ন কাৰণত উপায়হীন হৈ পৰা লোকসকলক সহায়ৰ হাত আগবঢ়ায় মানৱতাৰ নিদৰ্শন ডাঙি ধৰিছিল প্ৰাচুৰ্য বৰগোহাঁই ।
লগতে পঢ়ক: বজাৰৰ অভাৱ: পানীৰ দামত বিক্ৰী হৈছে কৃষকৰ ফচল
