পূৱ বিলাসীপাৰাৰ চাপৰত কাৰ্টুনে কাৰ্টুনে উদ্ধাৰ বিলাতী সুৰা

ধুবুৰী আৰক্ষী অধীক্ষক আনন্দ মিশ্ৰৰ সুৰাৰ বিৰুদ্ধে আকস্মিক অভিযান ৷ চাপৰ নগৰৰ কেবাঠাইতো চলিল অভিযান । অভিযানত জব্দ তিনি লক্ষাধিক টকাৰ বিলাতী সুৰা । আটক জিবু ৰায় নামৰ এজন সুৰা ব্যৱসায়ী ।

পূৱ বিলাসীপাৰা, ১৩ ছেপ্টেম্বৰঃ পূৱ বিলাসীপাৰাৰ চাপৰ অঞ্চলত দীৰ্ঘদিনৰ পৰা চলি আছিল অবৈধ সুৰাৰ বিয়াগোম ব্যৱসায় । সুৰাব্যৱসায়ী সকলৰ ওপৰত হঠাৎ চকু পৰিল ধুবুৰী আৰক্ষী অধীক্ষক আনন্দ মিশ্ৰৰ ।

দেওবাৰে নিশা আৰক্ষী অধীক্ষক মিশ্ৰই চাপৰ নগৰৰ কেবাঠাইতো আকস্মিক ভাবে অভিযান চলাই তিনি লক্ষাধিক টকাৰ বিলাতী সুৰা জব্দ কৰাৰ লগতে জিবু ৰায় নামৰ এজন সুৰা ব্যৱসায়ীক আটক কৰিবলৈ সক্ষময় হয় ৷ সম্প্ৰতি আৰক্ষী অধীক্ষক গৰাকীৰ এনে পদক্ষেপক সকলোৱে শলাগ লোৱা পৰিলক্ষিত হৈছে ৷

লগতে পঢ়কঃ নিচাজাতীয় দ্ৰব্যৰ বিৰুদ্ধে ধুবুৰী আৰক্ষী অধীক্ষকৰ সজাগতা সভা