ধুবুৰী, 5 মে : মঙলবাৰে ধুবুৰী জিলাত দুই শিশুৰ কাজিয়াক কেন্দ্ৰ কৰি ভয়ংকৰ পৰিস্থিতিৰ সৃষ্টি হয়। জিলাখনৰ অন্তৰ্গত কচুবাৰখাচ ২য় খণ্ডত দুই শিশুয়ে খেলি থকা অৱস্থাতে কাজিয়াৰ সূত্ৰপাত হয়। পৰৱৰ্তী সময়ত দুই শিশুৰ কাজিয়া অভিভাৱকলৈ পৰিণত হয় । দুই পক্ষৰ অভিভাৱকৰ কাজিয়া ইমানেই ভয়াৱহ হৈ পৰে যে ছাইফুল নামৰ এজন লোকে জাহিনুৰ বেগম নামৰ এগৰাকী মহিলাৰ মুখমণ্ডলত ছুৰিৰে আঘাত কৰে।
ধুবুৰীত দুই শিশুক কেন্দ্ৰ কৰি মহিলাৰ মুখমণ্ডলত গুৰুতৰভাবে প্ৰহাৰ
গুৰুতৰভাৱে আঘাতপ্ৰাপ্ত মহিলাগৰাকীক চিকিৎসাৰ বাবে ততাতৈয়াকৈ ধুবুৰী অসামৰিক চিকিৎসালয়লৈ প্ৰেৰণ কৰা হয় । ইতিমধ্যে ঘটনা সন্দৰ্ভত ভুক্তভোগী জাহিনুৰ বেগমৰ পৰিয়ালে ধৰ্মশালা আৰক্ষী নিৰক্ষণ চকীত চাৰিজন লোকৰ বিৰুদ্ধে গোচৰ ৰুজু কৰি উচিত তদন্তৰ দাবী কৰিছে ৷
