পূৱ বিলাসীপাৰা, 8 আগষ্ট : এফালে মহামাৰী কৰ'ণা সংক্ৰমণৰ ভয়ত গৃহবন্দী জনতা, আনফালে মাছ ধৰাৰ এক অনাবিল আনন্দ । তাতে আকৌ যদি ৰাজহুৱাভাৱে মাছ ধৰাৰ এক ঐতিহাসিক পৰম্পৰা থাকে তেন্তে এই মৎস চিকাৰ অধিক আনন্দময় আৰু দৃষ্টিনন্দন হৈ পৰে ৷
পূৱ বিলাসীপাৰাৰ বহলপুৰত সমূহীয়া মৎস্য চিকাৰ
প্ৰতি বছৰে শাওন মাহত এই ব্যতিক্ৰমী পৰম্পৰা ৰক্ষা কৰি আহিছে পূৱ বিলাসীপাৰাৰ চাপৰ ৰাজহ চক্ৰৰ অন্তৰ্গত বহলপুৰ অঞ্চলৰ ৰাইজে । বহলপুৰৰ ঝাকুৱাৰ ঘাটত হাতে হাতে জাকৈ-খালৈ লৈ ওলাই আহিল শ শ জনতা । উদ্দেশ্য মৎস চিকাৰ । কোনোবাই যদি ডাঙৰ আকৃতিৰ ৰৌ, বৰালি আদি পাইছে কোনোবাই আকৌ পাইছে পুঠি-খলিহনা । পূৱ বিলাসীপাৰাৰ বহলপুৰৰ ৰাইজৰ বাবে বছৰৰ এই দিনটোত মাছ ধৰাৰ আমেজেই বেলেগ । অকল মাছ ধৰাই নহয় নিজৰ পৰম্পৰা ৰক্ষা কৰিবলৈ পাই উৎফুল্লিত হৈ পৰিল এইসকল বহলপুৰবাসী ।
লগতে পঢ়ক : মৃতকৰ পৰিয়াললৈ 10 লাখৰ অন্তৱৰ্তীকালিন সাহাৰ্য ঘোষণা হৰদ্বীপ সিঙৰ
