বিলাসীপাৰা, 1 ছেপ্তেম্বৰঃ বিলাসীপাৰা মহকুমাৰ অন্তৰ্গত সাপটগ্ৰাম চহৰত চোৰৰ তাণ্ডৱ | একে নিশাই চোৰে চাফাই অভিযান চলালে চাৰিখনকৈ কালী মন্দিৰত ৷ কিন্তু চুৰি কাৰ্যৰ সংঘটিত কৰাৰ পাচত চি চি কেমেৰাৰ ফুটেজেই বিপদ হৈ পৰিল চোৰৰ বাবে | চি চি কেমেৰাৰ ফুটেজৰ ভিত্তিতেই আৰক্ষীৰ জালত পৰিল এটা দুৰ্ধৰ্ষ চোৰৰ | সাপটগ্ৰামত বিগত দুমাহ ধৰি দুৰ্ধৰ্ষ চোৰৰ এটা দলে চলাই আহিছিল চুৰি কাণ্ড | যোৱা নিশাও তেনে চোৰৰ দল এটাই চহৰ খনৰ ৩ আৰু ৪ নম্বৰ ৱাৰ্ডৰ চাৰিগৰাকী বাসিন্দাৰ গৃহত থকা ব্যক্তিগত কালী মন্দিৰত চলায় চুৰি কাৰ্য | চোৰৰ দলটোৱে মন্দিৰ সমূহত থকা সোণ ৰূপৰ আ-অলংকাৰ সহ বিভিন্ন সা-সামগ্ৰী চুৰি উধাও হয় |
কিন্তু কপাল বেয়া আছিল চোৰৰ ৷ কাৰণ এঘৰত থকা চি চি কেমেৰাত ফুটেজত ধৰা পৰিল চোৰৰ চেহেৰা | চি চি কেমেৰাৰ ফুটেজৰ ভিত্তিতেই সাপটগ্ৰাম আৰক্ষীয়ে অভিযান চলায় সাপটগ্ৰাম চহৰৰে এক নম্বৰ ৱাৰ্ডৰ শিল্প নগৰৰ সমীৰ কীৰ্তনিয়া নামৰ চোৰ জনক আটক কৰিবলৈ সক্ষম হয় | সম্প্ৰতি ধৃত চোৰ জন আৰক্ষীৰ জিম্মাত আছে যদিও তদন্তৰ খাতিৰত আন দুজন চোৰৰ পৰিচয় ব্যক্ত কৰা নাই আৰক্ষীয়ে | সমগ্ৰ চহৰ খনত চুৰি কাৰ্যৰে সন্ত্ৰাস সৃষ্টি কৰা চোৰৰ দলটোক অতি শীঘ্ৰে কৰায়ত্ত কৰি কঠোৰ শাস্তিৰ দাবী তুলিছে স্থানীয় ৰাইজে ৷
