ধুবুৰী, 22 ছেপ্টেম্বৰঃ ৰাজ্যত হঠাৎ বৃদ্ধি পাইছে পিয়াঁজৰ মূল্য ৷ ইতিমধ্যে পিয়াঁজৰ দামে হাফ চেঞ্চুৰী অতিক্ৰম পাছত ক্ৰমশঃ শতক অতিক্ৰম কৰাৰ দিশে আগবাঢ়িছে ৷ ৰাজ্যৰ খুচুৰা-পাইকাৰী বজাৰত কৰ্ণাটক আৰু নাছিকত বানৰ প্ৰভাৱত পিয়াঁজৰ বীজ নষ্ট হোৱাৰ প্ৰভাৱ ৷ ৰাজ্যৰ ভিন্ন প্ৰান্তৰ লগতে ধুবুৰী জিলাতো পৰিলক্ষিত হৈছে পিয়াঁজৰ আকস্মিক মূল্যবৃদ্ধি ৷ ৰাজ্যৰ ভিন্ন প্ৰান্তৰ সমান্তৰালভাৱে ধুবুৰী জিলাতো পিয়াঁজৰ খুচুৰা মূল্যই বৰ্তমান প্ৰতি কিলোগ্ৰামত 50-60 টকা স্পৰ্শ কৰাৰ বিপৰীতে পাইকাৰী মূল্যই স্পৰ্শ কৰিছে 45-46 টকাৰ ঘৰ ৷ মাত্ৰ এসপ্তাহৰ ব্যৱধানত পিয়াঁজৰ আকস্মিক মূল্যবৃদ্ধিয়ে বাৰুকৈয়ে জুৰলা কৰা পৰিলক্ষিত হৈছে ৰাজ্যবাসীক ৷ চৰকাৰৰ খাদ্য আৰু যোগান বিভাগে পিয়াঁজৰ এনে আবতৰীয়া মূল্যবৃদ্ধি কেনেদৰে নিয়ন্ত্ৰণ কৰে সেয়াহে অনাগত দিনত লক্ষণীয় হব ৷
ৰাজ্যত শতক অভিমুখী পিয়াঁজৰ দৰ
