পশ্চিম বিলাসীপাৰা,24 ডিচেম্বৰ: বিলাসীপাৰাৰ টিলাপাৰা কামাৰডিহিত সংঘটিত হয় ডকাইতি কাণ্ড । ১১ জনীয়া ডকাইতৰ দলে উপদ্ৰৱ চলালে এজন BSF জোৱানৰ ঘৰত ৷ বুধবাৰে নিশা বিলাসীপাৰা কামাৰডিহিৰ আব্দুছ ছোবাহান নামৰ BSF জোৱানৰ ঘৰত ডকাইতি কাণ্ড সংঘটিত হয় ৷ নগদ ধন,সোন-ৰূপৰ আ-অলঙ্কাৰ আৰু সা-সামগ্ৰী লুটি লৈ পলায়নৰ চেষ্টা কৰে ১১ জনীয়া ডকাইতৰ দলটোৱে ৷
পৰিয়ালৰ লোকে চিঞৰ বাখৰ কৰাত স্থানীয় ৰাইজে আৱদ্ধ কৰে ডকাইতৰ দলটোক ৷ ঘটনাস্থলীত উত্তপ্ত পৰিস্থিতিৰ সৃষ্টি হোৱাত ৰাইজলৈ গুলিচালনা কৰে ডকাইতৰ দলটোৰ সদস্যই । ৰাইজৰ তৎপৰতাত ৪টা ডকাইতক আটক কৰি শালকোচা আৰক্ষীক গতাই দিয়ে স্থানীয় ৰাইজে ৷ আটকাধীন ডকাইত কেইজন ক্ৰমে আব্দুল হাই,হাবিজুৰ ৰহমান,ৰাহিদুল হক আৰু মস্তাফিজুৰ ৰহমান ৷ সম্প্ৰতি ঘটনাস্থলীত আৰক্ষীৰ দল উপস্থিত হৈ তদন্ত অব্যাহত ৰাখিছে ৷
