ধুবুৰী, 19 জুলাই : ধুবুৰীৰ খুদীমাৰীত নিশা সংঘটিত হয় এক শোকাৱহ পথ দুৰ্ঘটনা । পথৰ পৰা বিলত বাগৰি পৰিল বাহন । দুৰ্ঘটনাটোত থিতাতে নিহত হয় দুগৰাকীকৈ যুৱক ৷ AS-19M- 5161 নম্বৰৰ তীব্ৰবেগী ব’লেনো বাহনখনে নিয়ন্ত্ৰণ হেৰুৱাই বাগৰি পৰে খুদিমাৰী বিলত । পাচত স্থানীয় ৰাইজে আৰক্ষীক খবৰ দিয়াত আৰক্ষীয়ে এছডিআৰএফ আৰু এনডিআৰএফৰ সহায়ত তিনিঘন্টাৰ অন্তত গাড়ীখনৰ লগতে মৃতদেহ দুটা উদ্ধাৰ কৰিবলৈ সক্ষম হয় ৷ মৃত যুৱকদ্বয় ক্ৰমে মধুশৌলমাৰী গাঁৱৰ নাৰায়ন ৰায় আৰু ৰথিন ৰায় । উল্লেখযোগ্য যে, স্থানীয় ৰাইজে গাড়ীখনৰ পৰা বনমালী ৰায় নামৰ এজনক জীৱিত অৱস্থাত উদ্ধাৰ কৰিবলৈ সক্ষম হয় ৷
ধুবুৰীৰ খুদীমাৰীত শোকাৱহ পথ দুৰ্ঘটনা
