বিলাসীপাৰা,7 অক্টোবৰ: শেহতীয়া SI কেলেংকাৰীক লৈ সমগ্ৰ ৰাজ্যতে অব্যাহত আছে প্ৰতিবাদৰ ঢৌ ৷ ইয়াৰ মাজতে বুধবাৰে নতুনকৈ গঠন হোৱা ‘ৰাইজৰ দল’ৰ মুখ্য আহ্বায়ক হুছেইন মোহাম্মদ শ্বাহজাহানৰ বিলাসীপাৰাৰ চিৰাকুটাত উপস্থিত হৈ ভয়ংকৰ বিস্ফোৰণ । SI কেলেংকাৰীৰ মাষ্টাৰ মাইণ্ড মুখ্যমন্ত্ৰী সৰ্বানন্দ সোণোৱাল বুলি বিস্ফোৰক মন্তব্য দিয়ে মুখ্য আহ্বায়ক হুছেইন মোহম্মদ শ্বাহজাহানে ।
‘ৰাইজৰ দল’ৰ আহ্বায়ক গৰাকীক কৃষক মুক্তি,ছাত্ৰ মুক্তি আৰু স্থানীয় ৰাইজে বিপুল আদৰণি জনায় । হুছেইন মোহম্মদ শ্বাহজাহানৰ উপস্থিতিত কৃষক মুক্তি আৰু ছাত্ৰ মুক্তিৰ নেতা-কৰ্মীয়ে বিজেপি চৰকাৰ হায় হায়,বিজেপি চৰকাৰ মূৰ্দাবাদ আদি বিভিন্ন শ্ল'গানেৰে চিৰাকুটাৰ 31নং ৰাষ্ট্ৰীয় ঘাই পথ উত্তাল কৰি তোলে ।
প্ৰতিবাদত ৰাইজৰ সৈতে মত বিনিময় কৰি মুখ্য আহ্বায়ক গৰাকীয়ে কয় যে,‘‘ৰাইজৰ দলে জাত-পাতৰ ৰাজনীতি পৰিহাৰ কৰি সদায় সৰ্বস্তৰৰ ৰাইজৰ বাবেহে কাম কৰি যাব। ধুবুৰীবাসীৰ অৰ্থনৈতিক জ্বলন্ত সমস্যাবোৰো সমাধান কৰাৰ ক্ষেত্ৰত ৰাইজৰ দলে অপ্ৰাণ চেষ্টা কৰিব’’ ৷
লগতে পঢ়ক: পৃথক পতাকা নাকচ কৰি কেন্দ্ৰই চূড়ান্ত কৰিলে নাগা শান্তি চুক্তিৰ খচৰা
