ধেমাজি, 6 ফেব্ৰুৱাৰী : কোনো ষড়যন্ত্ৰ ই অসমীয়া জাতীয় জীৱন ক নি:শেষ কৰিব নোৱাৰে । অসমীয়া মানুহে কেতিয়াও তৃতীয় শ্ৰেণী নাগৰিক হিচাপে আঠু কাঢ়ি জীয়াই থকা পৰিৱেশলৈ ঘুৰি নাযায় । এই শিক্ষা অসমৰ পৰিৱেশ ইতিহাসে দেখুৱায় । সাম্প্ৰদায়িক অপশক্তিসমূহে যাতে আমাৰ সাতামপুৰুষীয়া ঐক্য সম্প্ৰীতি বিঘ্নিত কৰিব নোৱাৰে তাৰ বাবে পুলি-পুখাই উৎখাত কৰিব কৰিব লাগিব অপশক্তিক । বুধবাৰে ধেমাজি জিলাৰ চিলাপথাৰত আছুৰ সংকল্প দিৱসত এই মন্তব্য সদৌ অসম ছাত্ৰ সন্থাৰ সাধাৰণ সম্পাদক লুৰিণজ্যোতিৰ গগৈৰ । আগন্তুক নিৰ্বাচনত অপশক্তিৰ বিৰুদ্ধে সেই চিন্তাৰে ৰাইজক ভোটাধিকাৰ সাব্যস্ত কৰিবলৈও আহ্বান জনায় নেতাগৰাকীয়ে । লগতে উক্ত অনুষ্ঠানতে অপশক্তি বিৰুদ্ধে মাৰবান্ধি থিয় হোৱা ৰ সংকল্প গ্ৰহণ কৰে আছুৱে ।
ইপিনে 2017 বৰ্ষৰ আজিৰ দিনটোতে চিলাপথাৰত আছুৰ কাৰ্যালয় ভাঙি লণ্ডভণ্ড কৰা দুষ্কাৰ্যত জড়িত নিব্বাচ নামৰ অখ্যাত বাঙালী সংগঠনটোৰ নেতা সুবোধ বিশ্বাসে সম্প্ৰতি ন্যায় ব্যৱস্থা সুযোগ গ্ৰহণ কৰিয়েই কাৰাগাৰৰ পৰা মুক্ত হৈ মুকলি আকাশৰ তললৈ আহিবলৈ সক্ষম হোৱা কাৰ্যত আক্ষেপ প্ৰকাশ কৰে আছুৰ সম্পাদকগৰাকীয়ে ।
