ধুবুৰী, 4 এপ্ৰিলঃ তৃতীয় পৰ্যায়ৰ নিৰ্বাচনৰ মনোনয়ন পত্ৰ দাখিলৰ অন্তিমটো দিনত ধুবুৰীত পৰিলক্ষিত হ'ল এগৰাকী ব্যাতিক্ৰমী প্ৰাৰ্থী ৷ শুকুৰ আলী ওৰফে মিলন নামৰ এজন যুৱকে বদৰুদ্দিল আজমলৰ বিৰুদ্ধে ক্ষোভিত হৈ বৃহস্পতিবাৰে দাখিল কৰিলে মনোনয়ন ৷ সাংসদ বদৰুদ্দিন আজমলৰ বিগত 10 বছৰৰ শাসনকালৰ অতিষ্ঠ হৈ লোকসভা নিৰ্বাচনত নিৰ্দলীয় প্ৰাৰ্থীৰূপে মনোনয়ন দাখিল কৰিলে ২৬ বছৰীয়া শুকুৰ আলী নামৰ যুৱকজনে ৷ হাতত কেৱল ৩০ হেজাৰ টকা লৈ ১০টা সমষ্টিতে নিৰ্বাচনী প্ৰচাৰ চলাব বুলিও দাবী কৰিছে শুকুৰ আলীয়ে ৷
drop media here..
উল্লেখ্য যে, ধুবুৰী লোকসভা সমষ্টিৰ পৰা নিৰ্দলীয়ৰূপে সাংসদ হোৱাৰ সপোন ৰচা এই যুৱকজনৰ ঘৰ ধুবুৰী আৰু কোকৰাঝাৰ জিলাৰ সীমান্তৰ মদাতী গাঁৱত ৷ দিন হাজিৰা কৰি অৰ্জা ধনৰে দুখনকৈ বাঁহৰ দলং নিৰ্মাণ কৰি ৰাইজক সকাহ দিয়াৰ সুখ্যাতি আছে শুকুৰ আলীৰ ৷
