ধুবুৰী,6 জুন : ধুবুৰীত দেওবাৰে বৃহৎ পৰিমাণৰ অবৈধ সুৰা জব্দ কৰে আৰক্ষীয়ে ৷ ধুবুৰী যান-বাহন শাখাৰ ভাৰপ্ৰাপ্ত আৰক্ষী বিষয়া চানক্য দাসৰ নেতৃত্বত আৰক্ষীৰ এটা দলে নিয়মীয়া তালাচী চলোৱাৰ সময়তে এখন ঠেলাৰ পৰা 7 কাৰ্টন সুৰা জব্দ কৰে ।
উল্লেখ্য যে, এক অসাধু চক্ৰই চাৰি কাৰ্টন সুৰা আৰু তিনি কাৰ্টন বিয়েৰ চোৰাংভাৱে ক্ৰয় কৰি লক ডাউনৰ সুযোগ লৈ ক’লা বজাৰত বিক্ৰী কৰাৰ পৰিকল্পনা কৰিছিল । ধুবুৰী আৰক্ষীয়ে সুৰা আৰু বিয়েৰৰ বটলখিনি জব্দ কৰিবলৈ সক্ষম যদিও এই চক্ৰত জড়িত থকা কোনো লোকক কৰায়ত্ব কৰিবলৈ সক্ষম হোৱা নাই । সম্প্ৰতি ঘটনাক লৈ তদন্ত অব্যাহত ৰাখিছে আৰক্ষীয়ে ।
লগতে পঢ়ক : কন্যাক বুকুত সাৱতি পুখুৰীত মাতৃৰ মৰণ জাঁপ
