ধুবুৰী, 9 অক্টোবৰ: শেহতীয়াকৈ আৰৱী ভাষাৰ বেনাৰ বিতৰ্ক অব্যাহত থকাৰ সময়তে আৰবী ভাষা বিতৰ্কক লৈ প্ৰতিক্ৰিয়া ব্যক্ত কৰিছে প্ৰাক্তন মন্ত্ৰী মহিবুল হকে ৷ মৌলানা বদৰুদ্দিন আজমল উপস্থিত থকা এখন সভাত আৰৱী ভাষাৰ বেনাৰ বিতৰ্কৰ কোনো কাৰণ নাই, আৰৱী ভাষাটো এটা আন্তঃৰাষ্ট্ৰীয় ভাষা বুলি মন্তব্য কৰে প্ৰাক্তন মন্ত্ৰী তথা কংগ্ৰেছৰ সাধাৰণ সম্পাদক গৰাকীয়ে ৷
ইয়াৰোপৰি তেওঁ কয়, ইংৰাজী ভাষা যেনেদৰে আন্তঃৰাষ্ট্ৰীয় ভাষা তেনেদৰে আৰৱীও আন্তঃৰাষ্ট্ৰীয় ভাষা ৷ ইয়াত সমালোচনামূলক একো নাই ৷ আৰৱী ভাষাটো ভাৰতবৰ্ষত শ শ বছৰ আগৰে পৰাই ব্যৱহাৰ হৈ আহিছে । ৭১ খন বিশ্ববিদ্যালয়ত আৰৱী ভাষা চলি আছে । লগতে ১৩.৯ মিলিয়ন ভাৰতীয় মানুহে আৰৱী ভাষা ব্যৱহাৰ কৰি আহিছে ৷ গতিকে আৰৱী ভাষাক লৈ আজমলক সমালোচনা কৰাৰ কোনো কাৰণ নাই বুলি মন্তব্য কৰে মহিবুল হকে ৷
আৰৱী ভাষাক লৈ প্ৰতিক্ৰিয়া প্ৰাক্তন মন্ত্ৰী মহিবুল হকৰ
