বিলাসীপাৰা, 12 ডিচেম্বৰ : বিলাসীপাৰাত Gang of Devil য়ে চলাইছে সন্ত্ৰাস ৷ ৰাজপথত Gang of Devil ৰ আগমনক লৈ উদ্বিগ্ন বিলাসীপাৰাৰ সচেতন মহল । বিলাসীপাৰাত সংঘটিত হৈছে চাঞ্চল্যকৰ ঘটনা ৷ উদণ্ড যুৱকৰ বাইকৰ খুন্দাত বৃদ্ধাৰ কৰুণ মৃত্যুৰ পাছত সামাজিক মাধ্যমত যুৱকৰ ভিডিঅ’ বাৰ্তা, "এজনক মাৰি পেলাই দহ মিনিটৰ ভিতৰত থানাৰ পৰা ওলাই আহিলোঁ ৷ এয়া গেং অব্ ডেভিল’ৰ পাৱাৰ । এতিয়া আমি পাৰ্টী কৰি আছোঁ’’ ।
হাতত জ্বলন্ত ছিগাৰেট লৈ সামাজিক মাধ্যমত ভিডিঅ' ভাইৰেল কৰিলে উদণ্ড যুৱকৰ দলে (Viral video of bikers)। উল্লেখ্য যে, শনিবাৰে সন্ধিয়া বিলাসীপাৰাৰ সূৰ্যখাতাত সংঘটিত হৈছিল এক ভয়ংকৰ পথ দুৰ্ঘটনা (Road accident at Bilasipara)৷ উদণ্ড যুৱকৰ তীব্ৰবেগী বাইকৰ খুন্দাত গুৰুতৰভাৱে আঘাতপ্ৰাপ্ত হৈছিল সূৰ্যখাতা প্ৰথম খণ্ড গাঁৱৰ ছকিনা বেওৱা(৭০) নামৰ এগৰাকী বৃদ্ধা ৷ পৰৱৰ্তী সময়ত বৃদ্ধাগৰাকীক ততাতৈয়াকৈ বিলাসীপাৰাৰ আদৰ্শ চিকিৎসালয়ত ভৰ্তি কৰোৱা হৈছিল যদিও চিকিৎসালয়তো মৃত্যু হয় বৃদ্ধাগৰাকীৰ ।
উক্ত দুৰ্ঘটনা সংঘটিত কৰা বাইকখনৰ নম্বৰ আছিল AS-17 M-1101. বৃদ্ধাগৰাকীৰ কৰুণ মৃত্যুত সমগ্ৰ সূৰ্যখাতা গাঁৱত শোকাকুল পৰিৱেশ বিৰাজ কৰি থকা অৱস্থাতেই উদণ্ড যুৱকৰ দলটোৱে নিজকে Gang of Devil বুলি সম্বোধন কৰি সামাজিক মাধ্যমত আপলোড কৰিলে ভিডিঅ' বাৰ্তা ৷ দুৰ্ঘটনাজনিত কাৰণতে হ’লেও বৃদ্ধাগৰাকীক হত্যা কৰি আহাৰ পাছত হাঁহি-ধেমালি আৰু ছিগাৰেট জ্বলাই সামাজিক মাধ্যমত ভিডিঅ' ভাইৰেল কৰা ঘটনাক লৈ হতভম্ব হৈ পৰিছে বিলাসীপাৰাৰ সচেতন মহল (Bilasipara bikers accident)।
মুঠৰ ওপৰত উদ্ভণ্ডালিৰ সকলো সীমা অতিক্ৰম কৰি বিলাসীপাৰাত নতুন অভিলেখ গঢ়িছে Gang of Devil য়ে । অৱশ্যে উক্ত ঘটনাই সৰ্বত্ৰে চাঞ্চল্যৰ সৃষ্টি কৰাৰ পাছত আন এক ভিডিঅ’ বাৰ্তাৰ জৰিয়তে ক্ষমা প্ৰাৰ্থনা কৰিছে উদণ্ড যুৱককেইজনে ৷
লগতে পঢ়ক : Encounter by Assam police: অসম আৰক্ষীৰ গুলীত নিহত বিহাৰৰ ছুপাৰী কিলাৰ মোহন কুমাৰ
