ধুবুৰী, 4 ডিচেম্বৰঃ ধুবুৰীত ই-ৰিক্সাৰ নামত হাৰাশাস্তিৰ অভিযোগ পৰিবহণ বিভাগৰ বিৰুদ্ধে । সাত দফীয়া দাবী পূৰণ কৰাৰ দাবীত জিলা উপায়ুক্তলৈ স্মাৰক পত্ৰ প্ৰদান কৰে প্ৰতিবাদকাৰী ই-ৰিক্সাচালকসকলে ।
ধুবুৰীত সহস্ৰাধিক নিবনুৱাই ই-ৰিক্সা চলাই স্বাৱলম্বী হোৱাৰ লগতে পৰিয়াল পোহপাল দি আহিছে । কিন্তু অতি দুখৰ বিষয় যে, ই ৰিক্সাচালকসকলে প্ৰতিবাদ সাব্যস্ত কৰিবলগীয়া হয় জিলা পৰিবহন বিভাগৰ বিৰুদ্ধে ৷ তেওঁলোকৰ অভিযোগ অনুসৰি দুবছৰ পূৰ্বে ধুবুৰী চহৰৰ এইসকল নিবনুৱা যুৱকে বিভিন্ন কোম্পানীৰ ই-ৰিক্সা জিলাখনৰ বিভিন্ন দোকানৰ পৰা ক্ৰয় কৰি চলাই আহিছিল ৷ কিন্তু জিএছটি আৰু ভেট আদায় দি ক্ৰয় কৰা ই-ৰিক্সা সমূহ ধুবুৰী পৌৰসভাত পঞ্জীয়নৰ বাবে দিছিল দুই হাজাৰ টকাকৈ। সম্প্ৰতি ধুবুৰী পৰিবহণ বিভাগে ই-ৰিক্সা সমূহৰ অতিৰিক্ত জৰিমনা বিহাৰ লগতে চীনত নিৰ্মিত ই-ৰিক্সা চলাচল বন্ধ কৰাৰ ষড়যন্ত্ৰ ৰচিছে বুলি এক গুৰুতৰ অভিযোগ কৰে । আজি বিভিন্ন দাবী লৈ ধুবুৰী ৰজা প্ৰভাত চন্দ্ৰ বৰুৱা খেলপথাৰত ই-ৰিক্সাৰ চলাচল বন্ধ কৰি হাতে হাতে প্লেকাৰ্ড লৈ চৰকাৰ বিৰোধী বিভিন্ন প্ৰতিবাদী শ্ল'গানেৰে উত্তাল প্ৰতিবাদ সাব্যস্ত কৰে ।
লগতে পঢ়ক- চপৰা চপৰে খহিছে বৰলীয়াৰ পাৰ : সৰ্বস্বান্ত নৈপৰীয়া ৰাইজ
